الماتىدا قر پرەمەر-ءمينيسترىنىڭ ورىنباسارى — مادەنيەت جانە اقپارات ءمينيسترى ايدا بالاەۆا «قايرات» فۋتبول كلۋبىنىڭ شابۋىلشىسى داستان ساتباەۆقا «دارىن» مەملەكەتتىك جاستار سىيلىعىن تابىستادى، دەپ حابارلايدى "ادىرنا".
تانىمال قازاقستاندىق سپورتشى 2025 جىلعى سىيلىقتىڭ «سپورت» نوميناتسياسى بويىنشا لاۋرەاتى اتاندى.
ماتچتارعا قاتىسۋىنا بايلانىستى داستان ساتباەۆ 2025 جىلعى 26 قاراشادا وتكەن «دارىن» سىيلىعىن تاپسىرۋ راسىمىنە قاتىسا الماعان بولاتىن.
ء"سىز بۇگىن جوعارى ناتيجە كورسەتىپ قانا قويماي، وسكەلەڭ ۇرپاققا ۇلگى بولىپ ءجۇرسىز. بالالاردى سپورتقا، فۋتبولعا باۋلىپ، سالاۋاتتى ءومىر سالتىن ناسيحاتتاۋدا ەڭبەگىڭىز زور. پرەزيدەنتىمىز ايتقانداي، كەز كەلگەن ەڭبەك قادىرلى ءارى ەل يگىلىگىنە قىزمەت ەتەدى. سپورت — سالاۋاتتى ءومىردىڭ نەگىزى، ول ادامدى بيىك بەلەستەرگە جەتەلەپ، ەل ابىرويىن اسقاقتاتادى. جەتىستىكتەرىڭىز جاستارعا ۇلگى بولىپ، بۇل ماراپات ءسىزدى جاڭا بەلەستەرگە جەتەلەي بەرسىن", — دەدى ايدا بالاەۆا.
ايتا كەتەيىك، «دارىن» مەملەكەتتىك جاستار سىيلىعى عىلىم، شىعارماشىلىق، قوعامدىق قىزمەت جانە سپورتتاعى جوعارى جەتىستىكتەرى ءۇشىن تالانتتى جاستارعا تابىستالادى.
