رەسەيدىڭ باس پروكۋرورى الەكساندر گۋتسان قازاقستانعا جۇمىس ساپارىمەن كەلدى. ساپار اياسىندا ول ەلىمىزدىڭ باس پروكۋرورى بەرىك اسىلوۆپەن كەزدەسپەك، دەپ حابارلايدى «ادىرنا» ءتىلشىسى.
«ساپاردىڭ ماقساتى – ەكىجاقتى ءوزارا ءىس-قيمىلدى تەرەڭدەتۋگە جانە دامىتۋعا باعىتتالعان قۇجاتتارعا قول قويۋ»، – دەپ جازدى رەسەي باس پروكۋراتۋراسىنىڭ ءباسپاسوز قىزمەتى.
«كوممەرسانت» باسىلىمىنىڭ حابارلاۋىنشا، قۇجاتتار اسكەري پروكۋرورلار اراسىنداعى ىنتىماقتاستىقتى دا جاڭا دەڭگەيگە شىعارۋدى كوزدەيدى.
استاناداعى نۇرسۇلتان نازارباەۆ حالىقارالىق اۋەجايىندا گۋتساندى باس پروكۋرور بەرىك اسىلوۆ پەن رەسەيدىڭ قازاقستانداعى ۋاقىتشا سەنىمدى وكىلى الەكساندر كوماروۆ قارسى الدى. ساپار باسىندا گۋتسان وتان قورعاۋشىلار الاڭىنداعى «وتان قورعاۋشىلار» ەسكەرتكىشىنە گۇل شوعىن قويدى.
ەسكە سالايىق، قازاقستان مەن رەسەي باس پروكۋرورلارىنىڭ كەزدەسۋى سوڭعى 2,5 جىلدا العاش رەت ءوتىپ وتىر. بۇعان دەيىن ولار 2023 جىلعى قىركۇيەكتە باكۋدە كەزدەسكەن ەدى.
