قارجى مونيتورينگى اگەنتتىگى «Bolashak Construction Company KZ» جشس باسشىسىنا قاتىستى الاياقتىق فاكتىسى بويىنشا تەرگەپ-تەكسەرۋدى اياقتادى.
تەرگەۋ دەرەكتەرىنە ساي، كۇدىكتى 2022-2024 جىلدارى «سەميا» تۇرعىن ءۇي كەشەنىنىڭ ۇلەستىك قۇرىلىسىنا قاتىسۋ سىلتاۋىمەن جەكە تۇلعالاردان قاراجات تارتۋدى ۇيىمداستىرعان. الايدا ءتيىستى رۇقسات قۇجاتتارى بولماعان.
ازاماتتارمەن پاتەرلەر مەن كوممەرتسيالىق نىسانداردى الدىن الا ساتىپ الۋ-ساتۋ شارتتارى جاسالعان. جوبانىڭ زاڭدى كورىنىسىن قالىپتاستىرۋ ءۇشىن الەۋمەتتىك جەلىلەردە جارناما جۇرگىزىلىپ، قوستاناي قالاسىندا كەڭسە جالعا الىنعان.
«زاڭسىز ارەكەتتەردىڭ ناتيجەسىندە «سەميا» تۇرعىن ءۇي كەشەنىنىڭ ءۇشىنشى كەزەگىنىڭ قۇرىلىسىنا 28 جەكە جانە 1 زاڭدى تۇلعادان جالپى سوماسى 162 ملن تەڭگەدەن استام قاراجات تارتىلعان. الايدا كۇدىكتى بۇل قاراجاتتى نىساندى بەلگىلەنگەن مەرزىمدە اياقتاماي، ءوز قالاۋى بويىنشا ىستەگەن»، – دەلىنگەن اقپاراتتا.
قازىر تۇرعىن ءۇي كەشەنىنىڭ ءۇشىنشى كەزەگىنىڭ قۇرىلىسى اياقتالماعان. سوت سانكتسياسىمەن كۇدىكتىنىڭ مۇلكىنە، ونىڭ ىشىندە Hyundai Santa Fe اۆتوكولىگىنە، ءۇش بولمەلى پاتەرىنە جانە جەرتولە كوممەرتسيالىق ءۇي-جايلارىنا تىيىم سالىندى.
وعان قاتىستى ۇيقاماق تۇرىندەگى بۇلتارتپاۋ شاراسى تاڭدالدى.
قىلمىستىق ءىس سوتقا جولداندى.
