استانادا جۇك كولىگىنىڭ جۇرگىزۋشىسى مەملەكەتتىك تىركەۋ ءنومىرىن ادەيى جاسىرعانى ءۇشىن جاۋاپكەرشىلىككە تارتىلدى، دەپ حابارلايدى "ادىرنا" ۇلتتىق پورتالى Tengrinews.kz ءتىلشىسى.
قالالىق پوليتسيا دەپارتامەنتىنىڭ مالىمەتىنشە، وقيعا 27 ناۋرىز كۇنى وڭتۇستىك اينالما جولىنداعى قىزىلسۋات كەنتىنەن ش. مۇرتازا كوشەسىنە قاراي باعىتتا بولعان. باقىلاۋ كامەرالارى Shacman ماركالى جۇك كولىگىنىڭ جۇرگىزۋشىسى مەملەكەتتىك ءنومىرىن شۇبەرەكپەن جاۋىپ قويعانىن تىركەگەن.
قۇقىق بۇزۋشى ۇستالىپ، ءىس سوتتا قارالدى. سوت شەشىمىمەن وعان ەكى تاۋلىك اكىمشىلىك قاماۋ جازاسى تاعايىندالىپ، ءبىر جىلعا جۇرگىزۋشى كۋالىگىنەن ايىرىلدى.
جۇك كولىگى كوممۋنالدىق ايىپ تۇراعىنا قويىلدى.
ۇقساس جاڭالىقتار
