Sauda.e-qazyna.kz elektrondy sauda portalynda Perizat Qairattyŋ MERSEDES-BENZ S450 markaly avtokölıgı satylymǧa şyǧaryldy. Kölıktıŋ qūny 79 415 000 teŋge dep körsetılgen, dep habarlaidy "Adyrna".
Avtokölık memlekettık zaŋdy tūlǧalardyŋ balansyna berıluı de yqtimal. Sonymen qatar bır ǧana tūlǧaǧa satuǧa rūqsat etıledı. Ötınışter 7 säuırge deiın qabyldanady.
Qūjatta jazylǧandai, qūqyq qorǧau jäne arnauly memlekettık organdarǧa, sondai-aq QR Prezidentınıŋ, memlekettık saiasi qyzmetşılerdıŋ, QR Parlamentı deputattarynyŋ, memlekettık organdar men olardyŋ apparaty qyzmetkerlerınıŋ qyzmetın qamtamasyz etetın organdarǧa būl mülık berılmeidı.
Habarlandyruda avtokölıktıŋ 2024 jyly şyqqany, tüsı qara, al memlekettık nömırı 777KPK01 ekenı jazylǧan. Būl sipattama QR Qarjylyq monitoring agenttıgı 2024 jyldyŋ jeltoqsan aiynda jariialaǧan videodaǧy Perizat Qairattan tärkılengen kölıkpen säikes keledı.
Sonymen bırge jyljymaly mülıktıŋ «Pandora» signalizasiialy kıltı bar, şanaq nömırı W1K2231611A132480, akkumuliatory öşken (tehnikalyq jaǧdaiyn tekseru mümkın emes).
MERSEDES-BENZ S450 kölıgıne tyiym salynǧan. Ol qazır Astanada tūr. Al satuşy – QR Qarjy ministrlıgı Memlekettık mülık jäne jekeşelendıru komitetınıŋ Astana qalasy memlekettık mülık jäne jekeşelendıru departamentı.
Eske salaiyq, Perizat Qairat 10 jylǧa, anasy 7 jylǧa sottalǧan bolatyn.
