اقتاۋدا تۇرعىن ءۇي اۋلاسىنداعى جانجال سالدارىنان ەگدە جاستاعى ەر ادام باسىنان جاراقات الدى، دەپ حابارلايدى "ادىرنا" ۇلتتىق پورتالى Lada.kz-كە سىلتەمە جاساپ.
وقيعا 22 ناۋرىز كۇنى شامامەن ساعات 23:30-دا بولعان.
كۋاگەرلەردىڭ ايتۋىنشا، جانجالعا ەكى جىگىت پەن ەكى قىز قاتىسقان. ولاردىڭ سوزىنشە، ەر ادام ءوزىن اگرەسسيۆتى ۇستاپ، جاستارعا شابۋىل جاساۋعا ارەكەتتەنگەن، سودان كەيىن توبەلەس باستالعان.
جانجال بارىسىندا ەر ادام باسىنان جاراقات العان. وقيعادان كەيىن جانجالعا قاتىسقاندار وقيعا ورنىنان قاشىپ كەتكەن.
وقيعا ورنىنا جەدەل جاردەم قىزمەتى مەن پوليتسيا قىزمەتكەرلەرى جەتىپ، زارداپ شەككەن ادام اۋرۋحاناعا جەتكىزىلدى.
پوليتسيا قازىرگى ۋاقىتتا ءتورت كۇدىكتىنىڭ جەكە باسىن انىقتاپ، وقيعانىڭ ءمان-جايىن تەكسەرىپ جاتىر.
ۇقساس جاڭالىقتار
