بۇگىن، 15 ناۋرىزدا قازاقستان رەسپۋبليكاسىنىڭ ورتالىق سايلاۋ كوميسسياسى توراعاسىنىڭ ورىنباسارى مۇحتار ەرمان وسى ۋاقىتقا دەيىن اشىلعان داۋىس بەرۋ ۋچاسكەلەرىنىڭ سانىن جاريالادى، دەپ حابارلايدى "ادىرنا".
ونىڭ مالىمەتىنشە، وڭىرلەردە بارلىق 10 388 داۋىس بەرۋ ۋچاسكەسى جۇمىسىن باستاپ، داۋىس بەرۋ پروتسەسى باستالدى. اۋماقتىق كوميسسيالاردىڭ شەشىمىنە سايكەس، 92 ۋچاسكەدە داۋىس بەرۋ تاڭعى 06:00-دە باستالعان.
مۇحتار ەرماننىڭ ايتۋىنشا، سايلاۋشىلار تىزىمىنە 12 461 796 ازامات ەنگىزىلگەن.
"ازاماتتاردىڭ جازباشا وتىنىشتەرى نەگىزىندە ۋچاسكەلىك كوميسسيالار 17 514 داۋىس بەرۋ قۇقىعىنا ارنالعان ەسەپتەن شىعارۋ كۋالىگىن بەردى. رەسپۋبليكا بويىنشا بارلىعى 10 388 داۋىس بەرۋ ۋچاسكەسى جۇمىس ىستەيدى. ونىڭ ىشىندە قازاقستاننىڭ شەتەلدەردەگى وكىلدىكتەرى جانىنان 54 ەلدە 71 ۋچاسكە اشىلعان", – دەدى ول.
ايتا كەتەيىك، 15 ناۋرىز كۇنى قازاقستاندا كونستيتۋتسيالىق رەفورما بويىنشا رەفەرەندۋم باستالدى.
