قازاقستان پرەزيدەنتى قاسىم-جومارت توقاەۆ يران پرەزيدەنتى ماسۋد پەزەشكياننىڭ كورشى ەلدەرگە شابۋىل جاساماۋ تۋرالى مالىمدەمەسىن قۇپتايدى، دەپ حابارلايدى "ادىرنا" ۇلتتىق پورتالى.
بۇل تۋرالى مەملەكەت باسشىسىنىڭ كەڭەسشىسى – ءباسپاسوز حاتشىسى ايبەك سمادياروۆ حابارلادى.
ونىڭ ايتۋىنشا، قازاقستان پرەزيدەنتى بۇل شەشىمدى تاياۋ شىعىستاعى شيەلەنىستى باسەڭدەتۋگە باعىتتالعان ماڭىزدى قادام دەپ سانايدى.
بۇعان دەيىن يراننىڭ بىرقاتار بۇقارالىق اقپارات قۇرالدارى ماسۋد پەزەشكياننىڭ مالىمدەمەسىن جاريالاعان بولاتىن. وندا يران اۋماعىنان شابۋىل جاسالماعان جاعدايدا ەلدىڭ كورشى مەملەكەتتەرگە سوققى جاسامايتىنى ايتىلعان.
پەزەشكياننىڭ سوزىنشە، مۇنداي شەشىمدى يراننىڭ ۋاقىتشا جەتەكشى كەڭەسى قابىلداعان. سونىمەن قاتار ول قارسى تاراپتىڭ يراندى «كاپيتۋلياتسياعا ماجبۇرلەۋ» تۋرالى ءۇمىتى جۇزەگە اسپايتىنىن اتاپ وتكەن.
