يزرايل تاراپى يران پرەمەر-ءمينيسترى بينيامين نەتانياحۋ كەڭسەسىنە سوققى جاسالعانى تۋرالى اقپاراتتى راستامادى. بۇل تۋرالى ربك-عا ەلدىڭ قورعانىس ارمياسىنىڭ (تساحال) ءباسپاسوز حاتشىسى اننا ۋكولوۆا مالىمدەدى، دەپ حابارلايدى «ادىرنا» ءتىلشىسى.
«كسير شىندىققا سايكەس كەلمەيتىن حابارلامالار جاريالاۋمەن تانىمال. ولار باق وكىلدەرىن ءوز قيالىنىڭ جەمىسىن تاراتۋ ءۇشىن پايدالانادى»،- دەدى ۋكولوۆا.
تساحال وكىلى يزرايل اسكەرىنىڭ يران اۋماعىنان زىمىرانداردىڭ ۇشىرىلعانىن تىركەگەنىن راستادى. ەلدىڭ كەيبىر ايماقتارىندا اۋە دابىلى سيرەنالارى قوسىلىپ، توسقاۋىل زىمىراندارى ىسكە قوسىلعان.
«قازىرگى ۋاقىتتا زارداپ شەككەندەر نەمەسە كەلتىرىلگەن شىعىن تۋرالى اقپارات تۇسكەن جوق. ۇشىرىلىمداردىڭ ناقتى نىساناسىن بىلمەيمىز. ءبىز تەك ناتيجەسىن عانا بىلەمىز»، — دەپ قوستى ول.
ەسكە سالايىق، بۇعان دەيىن يراننىڭ يسلام رەۆوليۋتسياسى ساقشىلار كورپۋسى يزرايل پرەمەر-ءمينيسترى بينيامين نەتانياحۋ كەڭسەسىنە شابۋىل جاساعانىن ايتقان ەدى.
