پاكىستاننىڭ كاراچي قالاسىندا جەرگىلىكتى تۇرعىندار اقش كونسۋلدىعىنىڭ عيماراتىن باسىپ الىپ، ورتەپ جىبەرمەك بولدى، دەپ حابارلايدى «ادىرنا» ءتىلشىسى Fars اگەنتتىگىنە سىلتەمە جاساپ.
وسىلايشا ولار اقش پەن ءيزرايلدىڭ يرانعا شابۋىلداعانىنا نارازىلىق بىلدىرمەكشى بولعان. وقيعا سالدارىنان كەمىندە 10 ادامنىڭ قازا تاپقانى ايتىلدى.
كۋاگەرلەردىڭ سوزىنشە، عيماراتتى باسىپ الۋعا ارەكەتتەنگەن دەمونسترانتتارعا قاۋىپسىزدىك كۇشتەرى وق اتقان. جەلىدە تاراعان بەينەماتەريالداردا ادامداردىڭ كوپ جينالعانى جانە اسكەري قىزمەتكەرلەردىڭ بار ەكەنى كورىنەدى.
پاكىستاننىڭ سيند پروۆينتسياسىنىڭ ىشكى ىستەر ءمينيسترى ەشكىمگە زاڭدى ءوز قولىنا الۋعا جول بەرىلمەيتىنى تۋرالى ايتتى.
بۇعان دەيىن يران بيلىگى ەلدىڭ جوعارعى كوشباسشىسى اياتوللا ءالي حامەنەيدىڭ قازا تاپقانىن راستاعان بولاتىن. سونداي-اق اسكەري باسشىلىق قۇرامىندا ەلەۋلى شىعىندار بولعانى حابارلاندى. ەلدە 40 كۇندىك ازا تۇتۋ كۇنى جاريالاندى.
