Алматыда алдағы референдумды қолдауға арналған ауқымды іс-шара өтті. Іс-шараға 10 мыңнан астам алматылық қатысты.
Алаңда ерекше атмосфера қалыптасты — көрермендер алдында танымал қазақстандық өнерпаздар мен шығармашылық ұжымдар өнер көрсетіп, жарқын концерттік бағдарлама ұсынды.
Жастар ұйымдары мен студенттік бірлестіктердің өкілдері елдің қоғамдық-саяси өміріне азаматтардың белсенді қатысуының маңызын атап өтіп, алдағы референдумның Қазақстан болашағы үшін мәні зор екенін айтты.
Ұйымдастырушылардың айтуынша, жастардың белсенді қатысуы олардың ел дамуына қызығушылық танытып, маңызды мемлекеттік шешімдерді қабылдауға атсалысуға дайын екенін көрсетті.
Айта кету керек, іс-шара «Almaty Arena» спорт кешенінде өткен XXV қысқы Олимпиада ойындарының жүлдегері мен қатысушыларын салтанатты марапаттау рәсімінен кейін ұйымдастырылды.
Іс-шара ел өміріне белсенді қатысу идеясын қолдаған жастарды біріктіріп, бірлік пен қолдау атмосферасында өтті.
