يزرايل مەن اقش-تىڭ يرانعا جاساعان شابۋىلىنان سوڭ ەلدىڭ جوعارى لاۋازىمدى شەنەۋنىكتەرى قازا تاپتى دەگەن اقپارات تارادى، دەپ حابارلايدى "ادىرنا" ۇلتتىق پورتالى Reuters اگەنتتىگىنە سىلتەپ.
باق حابارلاۋىنشا، اقش پەن يزرايل بىرلەسكەن وپەراتسياسى ناتيجەسىندە يران ليدەرى ءالي حامەنەي قازا تاپقان.
بۇعان دەيىن يزرايل پرەمەر-ءمينيسترى بينيامين نەتانياحۋ وپەراتسيا كەزىندە يران ليدەرى تۇراتىن رەزيدەنتسيا تەگەران قالاسىندا جويىلعانىن مالىمدەگەن.
ەلدىڭ باق دەرەگىنشە، حامەنەي قازا تاپقانى تۋرالى قۇجاتتار يزرايل پرەمەر-ءمينيسترى بينيامين نەتانياحۋعا كورسەتىلگەن.
سونىمەن بىرگە، يران سىرتقى ىستەر ءمينيسترى ابباس اراگچي حامەنەي ءالى ءتىرى ەكەنىن حابارلادى.
ءالي حامەنەي 1939 جىلدىڭ 19 ساۋىرىندە يراننىڭ ەكىنشى ءىرى قالاسى مەشحەدتە دۇنيەگە كەلگەن. 1994 جىلى ونى ۇلى اياتوللا دەپ جاريالاعان. ول اقش ساياساتىن ءجيى سىناپ، 2014 جىلى امەريكا قۇراما شتاتتارىن «بارلىق ادامزاتقا قارسى وزبىرلىق سيمۆولى» دەپ اتاعان.
