قازاقستاندىق ءانشى دەلناز احماديەۆا «زامانداس» پودكاستىندا ەلىمىزدەگى قازاق ءتىلىنىڭ ءرولى تۋرالى پىكىر ءبىلدىردى، دەپ حابارلايدى “ادىرنا”.
ءوز سوزىندە ءانشى ءاربىر قازاقستان ازاماتى مەملەكەتتىك ءتىلدى مەڭگەرۋى ءتيىس ەكەنىن اتاپ ءوتتى، اسىرەسە قىزمەت كورسەتۋ سالاسىندا جۇمىس ىستەيتىندەرگە بۇل مىندەتتى ەكەنىن ايتتى.
«قىزمەت كورسەتۋ تەك قازاق تىلىندە بولۋى كەرەك. تەك قازاق تىلىندە. بۇل قالىپتى جاعداي. سول سەبەپتى، قازىر ادامدار سويلەمەگەن كەزدە بۇل ماسەلەلەرگە جول بەرىلمەي جاتىر دەپ ويلايمىن. مىسالى، جاقىندا ءبىر قىزدى مەيرامحانالاردىڭ بىرىنەن جۇمىستان شىعارىپ جىبەردى، ويتكەنى ول قازاقشا جاۋاپ بەرگىسى كەلمەگەن. سولاي بولسا، لاجى بولسا، ورمانعا بارا بەرسىن. سەن قازاقستاندا ءومىر ءسۇرىپ جاتىرسىڭ، ەگەر قىزمەت كورسەتۋ سالاسىندا، بانكتە نەمەسە تاعى باسقا جەردە جۇمىس ىستەسەڭ، قازاق ءتىلىن بىلۋگە مىندەتتىسىڭ»، – دەدى احماديەۆا.
