الماتى قالاسىنىڭ جەتىسۋ اۋدانىندا جۇرگىزىلگەن تەكسەرىس بارىسىندا اۆتوبۋس پاركتەرىندە بىرقاتار ورەسكەل زاڭبۇزۋشىلىقتار انىقتالدى، دەپ حابارلايدى "ادىرنا" ۇلتتىق پورتالى.
بۇل تۋرالى الماتى قالاسىنىڭ پروكۋراتۋراسى حابارلادى.
ۆەدومستۆو مالىمەتىنشە، كەيبىر اۆتوپاركتەردە جولاۋشىلار تاسىمالىمەن تيىستى D ساناتىنداعى جۇرگىزۋشى كۋالىگى جوق، كولىك جۇرگىزۋ قۇقىعىنان ايىرىلعان نەمەسە مەديتسينالىق قارسى كورسەتىلىمدەرى بار ازاماتتار اينالىسقان. ناتيجەسىندە 34 جۇرگىزۋشى قىزمەتىنەن شەتتەتىلىپ، ولارمەن ەڭبەك شارتتارى بۇزىلعان.
سونىمەن قاتار، پروكۋراتۋرا اۆتوپارك قىزمەتكەرلەرىنىڭ اراسىندا ناركولوگيالىق جانە پسيحياتريالىق ەسەپتە تۇرعان تۇلعالاردىڭ جۇرگىزۋشى كۋالىكتەرىن جارامسىز دەپ تانۋ ماسەلەسىن سوت ارقىلى قاراۋدى جوسپارلاپ وتىر.
انىقتالعان زاڭبۇزۋشىلىقتار بويىنشا 15-تەن استام اۆتوپاركقا قاتىستى اكىمشىلىك ءىس قوزعالىپ، ءتورت لاۋازىمدى تۇلعا تارتىپتىك جانە اكىمشىلىك جاۋاپكەرشىلىككە تارتىلدى.
پروكۋراتۋرا وكىلدەرى مۇنداي زاڭبۇزۋشىلىقتار جولاۋشىلاردىڭ ءومىرى مەن دەنساۋلىعىنا ناقتى قاۋىپ توندىرگەنىن اتاپ ءوتتى. قازىرگى ۋاقىتتا جۇرگىزۋشىلەردى باقىلاۋ تەتىكتەرىن كۇشەيتۋ، سونىڭ ىشىندە تسيفرلىق مونيتورينگ جۇيەلەرىن ەنگىزۋ باعىتىندا شارالار قابىلدانىپ جاتىر.
قاداعالاۋ ورگانى پروفيلاكتيكالىق جۇمىستاردى جالعاستىرىپ، سالاداعى قاۋىپسىزدىكتى ارتتىرۋعا باعىتتالعان جۇيەلى شارالاردى جۇزەگە اسىراتىنىن مالىمدەدى.
