قازاقستاننىڭ ەكس-پرەزيدەنتى نۇرسۇلتان نازارباەۆتىڭ جۇبايى سارا نازارباەۆا اۋرۋحانادان شىقتى، دەپ حابارلايدى "ادىرنا".
بۇعان دەيىن تۇڭعىش پرەزيدەنتتىڭ ءباسپاسوز حاتشىسى ايدوس ۇكىباي سارا نازارباەۆانىڭ 2025 جىلعى ءساۋىر ايىندا اتالعان مەديتسينالىق مەكەمەگە جاتقىزىلعانىن حابارلاعان بولاتىن. سول كەزەڭدە بەيرەسمي دەرەككوزدەر مەن بۇقارالىق اقپارات قۇرالدارىندا ونىڭ دەنساۋلىعى مەن جۇرگەن جەرىنە قاتىستى ءارتۇرلى، ءبىر-بىرىنە قايشى بولجامدار تاراعان ەدى.
الايدا كلينيكا وكىلدەرى ناۋقاستىڭ دياگنوزى مەن جاعدايىنا قاتىستى اقپاراتتى دارىگەرلىك قۇپيانى العا تارتىپ، جاريا ەتپەگەن.
"پاتسيەنتكا گوسپيتالدا ەم قابىلداپ، قاڭتار ايىندا امبۋلاتوريالىق ەمگە شىعارىلدى. دەنساۋلىق جاعدايى، دياگنوزى، ەمدەۋ ادىستەرى مەن ناتيجەلەرى تۋرالى وزگە اقپارات قازاقستان رەسپۋبليكاسىنىڭ "حالىق دەنساۋلىعى جانە دەنساۋلىق ساقتاۋ جۇيەسى تۋرالى" كودەكسىنىڭ 273-بابىنا سايكەس دارىگەرلىك قۇپياعا جاتادى جانە جاريالاۋعا جاتپايدى", – دەلىنگەن رەسمي جاۋاپتا
ايتا كەتەيىك، 84 جاستاعى سارا نازارباەۆا مەديتسينالىق مەكەمەدە شامامەن 10 اي بويى ەم قابىلداعان.
