ەلىمىزدە ازاماتتاردىڭ جەكە دەرەكتەرىن قورعاۋ بويىنشا قاۋىپسىزدىك تالاپتارىن ساقتاماعانى ءۇشىن اكىمشىلىك ايىپپۇلداردى ۇلعايتۋ جوسپارلانۋدا. بۇل تۋرالى ۇكىمەت وتىرىسىندا جاساندى ينتەللەكت جانە تسيفرلىق دامۋ ۆيتسە-ءمينيسترى روستيسلاۆ كونياشكين ايتتى، دەپ حابارلايدى «ادىرنا» ءتىلشىسى.
«ازاماتتاردىڭ جەكە ومىرگە قول سۇعىلماۋشىلىق جانە جەكە اقپاراتتى قورعاۋ جونىندەگى كونستيتۋتسيالىق قۇقىقتارىن جۇزەگە اسىرا وتىرىپ، ءبىز تسيفرلىق دەرەكتەردىڭ كەز كەلگەن تاراپقا كەتۋىنە جانە وسى سالادا «نولدىك توزىمدىلىك» ساياساتىنا كوشەمىز. وسى ماقساتتا ءبىز قاۋىپسىزدىك تالاپتارىن ورىنداماعاندارعا اكىمشىلىك ايىپپۇلداردىڭ شەگىن بىرنەشە ەسە ارتتىرىپ، 5000 ايلىق ەسەپتىك كورسەتكىشكە دەيىن جەتكىزەمىز. بۇدان بولەك دەربەس دەرەكتەر جاپپاي تاراپ كەتكەندىكتەن قىلمىستىق جاۋاپكەرشىلىكتى ەنگىزۋدى ۇسىنامىز»،- دەدى كونياشكين.
ۆيتسە-مينيستر تسيفرلىق ترانسفورماتسيانىڭ ازاماتتاردىڭ قاۋىپسىزدىگىنە نۇقسان كەلتىرمەۋى كەرەكتىگىن اتاپ ءوتتى.
