الماتىداعى “OASIS” كافەسىنىڭ اكىمشىسى گاۋحار ارۋجان دۇيسەباەۆادان قازاق تىلىندەگى اس ءمازىرىنىڭ جوق بولعانىنا قاتىستى كەلەڭسىز جاعداي ءۇشىن كەشىرىم سۇرادى، دەپ حابارلايدى “ادىرنا” ۇلتتىق پورتالى.
“OASIS” كافەسىنىڭ Instagram پاراقشاسىنا جاريالانعان ۆيدەودا كافە اكىمشىسى تەز ارادا قازاق تىلىندەگى اس ءمازىرىن باسىپ شىعاراتىن ايتقان.
ايتا كەتەيىك، كەشە 4 تامىز كۇنى قوعام بەلسەندىسى ارۋجان دۇيسەباەۆا "OASIS" مەيرامحانا قىزمەتكەرلەرى انا ءتىلىمىزدى جەرگە تاپتاپ، ونىسىمەن قويماي بىزگە دورەكىلىك تانىتقانى تۋرالى Instagram پاراقشاسىنا جاريالاعان بولاتىن.
“الماتىنىڭ قاق ورتاسىندا انا ءتىلىمىزدى قورلادى!
بۇل باسسىزدىققا كوز جۇما الماي پوليتسيا شاقىردىق. ارىزىمىزدى قابىلداپ الدى، ارى قارايۇلان ءابىلحايىردىڭ قىزمەتكەرلەرى اينالىسادى ەكەن”، دەپ نارازىلىعىن بىلدىرگەن ەدى.
ۆيدەونى Telegram ارنامىزدان كورە الاسىز.
”ادىرنا” ۇلتتىق پورتالى
