بۋردج-حاليفانىڭ جوباسىن ازىرلەگەن ساۋلەت بيۋروسىنىڭ ەسكيزى بويىنشا ەكى مۇنارادان تۇراتىن كەشەن الاتاۋ قالاسىندا 2029 جىلعا دەيىن سالىنباق. بۇل تۋرالى ۇكىمەت مالىمدەدى، دەپ حابارلايدى “ادىرنا”.
قۇرىلىس جۇمىستارى 2026 جىلدىڭ مامىر ايىندا باستالادى. جوبانى جۇزەگە اسىرۋعا قىتايدىڭ China State Construction Engineering Corporation كومپانياسى قاتىسادى. ال كەشەننىڭ ساۋلەتتىك تۇجىرىمداماسىن امەريكالىق Skidmore, Owings & Merrill بيۋروسى ازىرلەيدى.
كەشەننىڭ جالپى اۋماعى 276,8 مىڭ شارشى مەتردى قۇرايدى. ونىڭ قۇرامىنا كەڭسە عيماراتتارى، تۇرعىن اپارتامەنتتەر، قوناقۇي جانە ساۋدا ورىندارى كىرەدى.
الاتاۋ (Alatau City) — قازاقستاننىڭ وڭتۇستىگىندە ورنالاسقان قالا. بيلىك جوسپارىنا سايكەس، بولاشاقتا ول وڭىردەگى العاشقى تولىق تسيفرلىق قالاعا اينالىپ، تاۋارلار مەن قىزمەتتەر ءۇشىن كريپتوۆاليۋتا ارقىلى تولەم جاساۋ مۇمكىندىگى قاراستىرىلادى.
