14 قاڭتاردا تۇركىستان وبلىسى شاردارا اۋدانى قوسسەيىت اۋىلىندا ءوز اكەسىن ۇرىپ-سوعىپ، ازاپتاعان الماس ساداقباەۆتىڭ ءىسى جەتىساي اۋداندىق سوتىندا قارالدى، دەپ حابارلايدى «ادىرنا» ءتىلشىسى.
پروكۋرور ايىپتالۋشىنى 6 جىل 2 ايعا باس بوستاندىعىنان ايىرۋدى سۇرادى. وعان قىلمىستىق كودەكستىڭ «قيناۋ» جانە «دەنساۋلىققا قاساقانا اۋىرلىعى ورتاشا زيان كەلتىرۋ» بابى بويىنشا ايىپ تاعىلعان.
سوتتالۋشى كىناسىن تولىق مويىنداپ، كوپشىلىكتەن كەشىرىم سۇرادى.
«شىن جۇرەگىممەن وكىنەمىن. بارلىعىنا جالعىز اللا كۋا. بارشاڭىزدان جاساعان ءىسىم ءۇشىن كەشىرىم سۇرايمىن. جازانى جەڭىلدەتۋدى وتىنەمىن»، – دەدى ول.
الماس ساداقباەۆ ءىسى جەتىساي اۋدانارالىق سوتىندا قارالىپ جاتىر. ۇكىم جاقىن كۇندەرى جاريالانادى دەپ كۇتىلۋدە.
ەسكە سالايىق، قىلمىس وتكەن جىلدىڭ تامىز ايىندا شاردارا اۋدانى قوسسەيت اۋىلىندا بولعان ەدى. زەينەتكەردى سوققىعا جىققان ءساتتىڭ ۆيدەوسى قارت كىسى قايتىس بولعاننان كەيىن الەۋمەتتىك جەلىلەردە تاراعان.
