ارمەنيانىڭ سىرتقى ىستەر مينيسترلىگى رەسەيدىڭ ەلشىسى سەرگەي كوپىركينگە قارسىلىق نوتاسىن تاپسىردى، دەپ حابارلايدى "ادىرنا" ۇلتتىق پورتالى TRT-عا سىلتەپ.
نوتاعا رەسەيلىك تەلەجۇرگىزۋشى ۆلاديمير سولوۆەۆتىڭ سوزدەرى سەبەپ بولعان. ارمەنيانىڭ ءسىم سولوۆەۆتىڭ ەفيردە ايتقان پىكىرلەرىن "دۇشپاندىق سيپاتتاعى جانە قابىلداۋعا بولمايتىن پىكىر" دەپ باعالاندى. ۆەدومستۆو بۇل مالىمدەمەلەردى ارمەنيانىڭ ەگەمەندىگىنە شابۋىل جانە ەكى ەل اراسىنداعى دوستىق قاتىناستاردىڭ نەگىزگى قاعيدالارىن بۇزۋ رەتىندە باعالادى.
ايتا كەتەيىك، 10 قاڭتارداعى «سولوۆەۆ Live» باعدارلاماسىندا "ارمەنيانىڭ جوعالۋى" دەگەن پىكىرى ماڭىزدى ماسەلە ەكەنىن ايتىپ، رەسەيدىڭ ىقپالىنداعى باسقا ايماقتاردا دا ارنايى اسكەري وپەراتسيا جۇرگىزۋ مۇمكىندىگىن جوققا شىعارمادى. ول حالىقارالىق قۇقىق پەن ءتارتىپتى ەلەمەيتىنىن ايتىپ، ورتالىق ازيانى «رەسەي ىقپالىنداعى ايماق» دەپ اتادى.
