2026 جىلى قازاقستاندا جاساندى ينتەللەكت (جي) ءبىلىم سالاسىندا بەلسەندى قولدانىلاتىن بولادى، دەپ حابارلايدى "ادىرنا" ۇلتتىق پورتالى.
بۇل تۋرالى ءبىلىم جانە عىلىم ۆيتسە-ءمينيسترى اسىلبەك احمەتجانوۆ مالىمدەدى.
ول مينيسترلىك ۇلتتىق تسيفرلىق پروفيلدەر جۇيەسىن جانە ۇلتتىق ءبىلىم بەرۋ پلاتفورماسىن قۇرۋعا كىرىسكەنىن حابارلادى. بۇل ماقساتتا ۇلتتىق ءبىلىم بەرۋ دەرەكتەر بازاسى جاڭارتىلىپ، بارلىق ەلەكتروندىق كۇندەلىكتەر مەن جۋرنالداردىڭ دەرەكتەرى QazTech مەملەكەتتىك بۇلتتىق پلاتفورماسىندا بىرىكتىرىلمەك. جي پەداگوگتاردىڭ كۇندەلىكتى جۇمىسىن ازايتۋعا سەپتىگىن تيگىزەدى. مىسالى، پەداگوگيكالىق كەڭەستەرگە دايىندىققا كومەكتەسەدى.
2026-2027 وقۋ جىلىنان باستاپ پيلوتتىق ايماقتارداعى از وقۋشىسى بار مەكتەپتەردە «Qazaq Digital Mektebi» جوباسى ىسكە قوسىلادى. جوبا اياسىندا جي-رەپەتيتورلار قولدانىلىپ، 2026 جىلى 200 مىڭنان استام پەداگوگ جاساندى ينتەللەكت داعدىلارىن مەڭگەرمەك. سونىمەن قاتار، وقۋشىلار اراسىندا جي-سالاداعى ساۋاتتىلىقتى ارتتىرۋعا ەرەكشە كوڭىل بولىنەدى.
ايتا كەتەيىك، 2026 جىل قازاقستاندا تسيفرلاندىرۋ جانە جاساندى ينتەللەكت جىلى دەپ جاريالانعان بولاتىن.
