قازاقستاندىقتار 2 قاڭتاردان باستاپ مەملەكەتتىك تىركەۋ نومىرلىك بەلگىسىن ەركىن تاڭداي الادى. بۇل تۋرالى بۇگىن، 2 قاڭتاردا قر ءىىم رەسمي وكىلى مالىمدەدى، دەپ حابارلايدى “ادىرنا”.
حالىق ءۇشىن قولايلى جاعداي جاساۋ ماقساتىندا 2026 جىلعى 1 قاڭتاردان باستاپ قولدانىسقا ەنگىزىلگەن كەز كەلگەن قاجەتتى تسيفرلىق جانە ارىپتىك بەلگىلەرمەن متنب-نى ەركىن تاڭداۋدى كوزدەيتىن نورمالار ازىرلەندى.
"5 قاڭتاردان باستاپ ازاماتتار مەملەكەتتىك تىركەۋ نومىرلىك بەلگىسىن ارنايى مامانداندىرىلعان حالىققا قىزمەت كورسەتۋ ورتالىقتارى ارقىلى تاڭداي الادى. بۇل رەتتە، كەز كەلگەن قاجەتتى ارىپتىك جانە تسيفرلىق بەلگىلەرى بار متنب قۇنى 10 اەك جانە 15 اەك مولشەرىندە بولادى (جوعارى سۇرانىسقا يە متنب-نى قوسپاعاندا)", – دەدى قر ءىىم اپك-ءنىڭ ەرەكشە تاپسىرمالار جونىندەگى اعا ينسپەكتورى اراي تولەگەنقىزى.
