Беларусь президенті Александр Лукашенко бас прокуратура мен тергеу комитетінің жаңа басшыларына елде қолданыстағы мемлекеттік құрылымға қарсы «революциялық күреске» жол бермеуді тапсырды, деп хабарлайды "Адырна" ұлттық порталы жергілікті басылымға сілтеп.
Бұл туралы Беларусь президентінің баспасөз қызметіне сілтеме жасап Caliber.Az хабарлады.
Мемлекет басшысының айтуынша, билікті өзгерту үшін заңды жол — сайлау.
«Революциялық күреске бағытталған қандай да бір әрекеттерге жол берілмеуі керек. Бұл мәселелерді шешудің жолы — сайлау. Беларусьта оған барлық мүмкіндік бар. Оның үстіне қазіргі президент, өзім жиі айтып жүргендей, билікке көгерген саусақтарымен жабысып отырған жоқ», — деді Лукашенко.
Сондай-ақ Александр Лукашенко өзін «кетіп бара жатқан президент» деп тағы да атады.
«Біреулер алаңдайды, біреулер қуанады. Бұл ертең бәрін тастап кетеміз деген сөз емес. Бірақ мен президенттік қызметтің алғашқы немесе екінші жылындағы адам емеспін», — деді ол.
Сонымен қатар Беларусь президенті адам құқықтарын сақтау маңызды екенін атап өтті.
«Әр адамның еңбек етуге, жалақы алуға, әділдікке құқығы бар. Бұл құқықтар бізде қамтамасыз етілуі тиіс», — деп түйіндеді Лукашенко.
