جاپونيا اقپارات قۇرالدارى 18 جەلتوقسانداعى قازاقستان پرەزيدەنتى قاسىم-جومارت توقاەۆتىڭ توكيوعا ساپارىن ەرەكشە وقيعا رەتىندە باعالاپ وتىر، دەپ حابارلايدى "ادىرنا" پورتالى BAQ.KZ سايتىنا سىلتەمە جاساپ.
ءىرى باسىلىمداردان باستاپ ايماقتىق گازەتتەرگە دەيىن - بارلىعى دەرلىك ءبىر كۇننىڭ ىشىندە قازاقستان تۋرالى ماڭىزدى ماتەريالدار جاريالادى. بۇل - استانا مەن توكيو اراسىنداعى قارىم-قاتىناستىڭ جاڭا كەزەڭگە قادام باسقانىن ايقىن كورسەتەتىن بەلگى.
جاپونيا ءۇشىن كەز كەلگەن شەتەلدىك كوشباسشىنى يمپەراتور نارۋحيتونىڭ جەكە قابىلداۋى - جوعارى دەڭگەيدەگى قۇرمەتتىڭ بەلگىسى. سوندىقتان توقاەۆتىڭ يمپەراتور سارايىنداعى قابىلداۋى جاپون مەدياسىنىڭ باستى تاقىرىبىنا اينالدى.
باسىلىمدار يمپەراتور مەن پرەزيدەنتتىڭ «تاقىر بولمە» دەپ اتالاتىن رەسمي زالدا سۇحباتتاسقانىن، كەيىن دوستىق فورماتتا شاعىن تۇسكى اس وتكەنىن جارىسا جازۋدا. ماقالالاردان كەزدەسۋ اتموسفەراسىنىڭ ەرەكشە جىلى بولعانى ايتىلۋدا. اڭگىمە سۋ رەسۋرستارى، كاسپي تەڭىزىنىڭ تايازدانۋى سياقتى وتە ناقتى ەكولوگيالىق ماسەلەلەر توڭىرەگىندە وربىگەن.
سونداي-اق، جاپونيانىڭ Asahi اقپاراتتىق اگەنتتىگى يمپەراتور قازاقستاندا بولعان سۋ تاسقىنىنا بايلانىستى قاسىم-جومارت توقاەۆقا كوڭىل ايتقانىن جازادى.
تۇسكى اس كەزىندە پرەزيدەنت قازاقستانداعى سۋ رەسۋرستارى بويىنشا بۇۇ كەشەندى ءتاسىل قولدانۋدى ۇسىنىپ وتىرعانىن تۇسىندىرگەن. يمپەراتور «سۋ ماسەلەسى – كوپتەگەن ەلدەر قولمەن جۇمىس جاساۋى كەرەك ماسەلە» دەپ جاۋاپ بەردى. بۇل تۋرالى Nikkei باسىلىمى جازادى.
جاپونيا ءۇشىن تابيعات پەن سۋ رەسۋرستارى - فيلوسوفيالىق تا، عىلىمي دا ماڭىزى بار ەرەكشە تاقىرىپ. ال يمپەراتور نارۋحيتونىڭ «سۋ ەكولوگياسىن» ومىرلىك ميسسياسىنا اينالدىرعانىن ەسكەرسەك، بۇل اڭگىمەنىڭ جاي عانا ديپلوماتيالىق سىپايىلىق ەمەس، ەكى ەل اراسىنداعى ادامي جانە عىلىمي تۇسىنىستىكتىڭ دالەلى ەكەنىن جاپون باسىلىمدارى ەرەكشە اتاپ وتكەن.
جاپونيا پرەمەر-ءمينيسترى سااناە تاكايتيمەن وتكەن كەلىسسوزدەر دە ءباسپاسوز نازارىندا بولدى. جاپون جۋرناليستەرى بۇل كەزدەسۋدى «ەنەرگەتيكالىق سەرىكتەستىكتى قايتا قۇرۋ جانە جاڭا تەحنولوگيالىق كوپىر سالۋ» دەپ سيپاتتايدى.
Jiji سايتى كەزدەسۋدە مۇناي مەن گاز سالاسىنداعى سەرىكتەستىك تۋرالى ماسەلەلەردىڭ كوتەرىلىپ، ماڭىزدى مينەرالدار مەن سيرەك مەتالدار بويىنشا ۇزاق مەرزىمدى كەلىسىمدەر، جەتكىزۋ تىزبەگىنىڭ قاۋىپسىزدىگىن ارتتىرۋ، تسيفرلىق ينفراقۇرىلىم، جاساندى ينتەللەكت جانە بايلانىس تەحنولوگيالارىنداعى ىنتىماقتاستىق باعىتتارىنداعى تالقىلاۋلار بولعانىن جازادى.
جاپونيانىڭ تسيفرلىق دامۋ مينيسترلىگى مەن قازاقستان اراسىنداعى جاساندى ينتەللەكت جانە كوممۋنيكاتسيا سالاسىنداعى جاڭا كەلىسىم جاپون ساراپشىلارىن ەرەكشە قىزىقتىردى. Nikkei بۇل باستامانى «ورتالىق ازياداعى ەڭ پەرسپەكتيۆالى تەحنولوگيالىق اليانس» دەپ باعالاپ وتىر.
سونداي-اق باسىلىمدار كەزدەسۋدە جاپونيا مەن بەس ەل اراسىندا بىرلەسكەن دەكلاراتسيا جاريالانادى دەپ كۇتىلۋدە ەكەنىن جازادى. وعان ورتالىق ازيا مەن ەۋروپانى رەسەي ارقىلى، دامۋشى ەلدەرگە مەملەكەتتىك كومەك جانە جاساندى ينتەللەكت ىنتىماقتاستىعى ارقىلى بايلانىستىراتىن كولىك باعىتى رەتىندە ءوسىپ كەلە جاتقان سۇرانىسقا يە "كاسپي تەڭىز جولىنداعى" لوگيستيكانى جەڭىلدەتۋدى قولداۋ ساياساتى كىرەدى.
جاپونيا العاش رەت ورتالىق ازيا ەلدەرىمەن ەڭ جوعارى دەڭگەيدەگى سامميت وتكىزگەلى وتىر. بۇل تۋرالى Yaho اقپارات اگەنتتىگى حابارلادى. جاپون اقپارات قۇرالى وسى جيىننىڭ تابىستى ءوتۋى كوپ جاعدايدا قازاقستان كوشباسشىسىنىڭ ۇستانىمىنا تاۋەلدى ەكەنىن اشىق جازادى. وندا پرەمەر مينيستر «قازاقستان قۇقىق ۇستەمدىگىنە نەگىزدەلگەن ەركىن جانە اشىق حالىقارالىق ءتارتىپتى ساقتاۋ جانە نىعايتۋ ءۇشىن ستراتەگيالىق ارىپتەس بولىپ تابىلادى» دەگەن. ال پرەزيدەنت ء«بىز جاپونيامەن قارىم-قاتىناسىمىزدى سەنىمدى ازيالىق سەرىكتەس رەتىندە باعالايمىز»، - دەپ جاۋاپ بەرگەن.
جاپون اۆياتسيا پورتالى «flyteam» قازاقستان ۇكىمەتتىك ۇشاعىنىڭ حانەدا اۋەجايىنا كەلۋى تۋرالى بىرنەشە رەت جازعان. فوتورەپورتاجدار ساپاردىڭ رەسمي دەڭگەيىن عانا ەمەس، جاپون قوعامىنىڭ قىزىعۋشىلىعىن دا كورسەتەدى.
ال جالپى جاپون مەدياسى توقاەۆتىڭ ساپارىن «قازاقستان - تەك ەنەرگيا مەن مينەرالدار ەلى ەمەس، بۇل ەل - ورتالىق ازياداعى تۇراقتىلىق، تەحنولوگيالىق سەرىكتەستىك جانە سەنىمدى ديپلوماتيانىڭ وزەگى دەپ تۇيىندەيدى.
