18 جاستاعى "قايرات" قاقپاشىسى شەرحان قالمىرزا ليسسابوندا وتكەن چەمپيوندار ليگاسىنىڭ جالپى كەزەڭىنىڭ العاشقى تۋرىندا "سپورتينگكە" قارسى ويىندا پەنالتي قايتاردى. جاس گولكيپەر تۋرنير تاريحىنا 11 مەترلىكتى تويتارعان ەكىنشى ەڭ جاس قاقپاشى رەتىندە ەندى. قالمىرزا بۇل جەتىستىككە 18 جاس 95 كۇنىندە قول جەتكىزدى، دەپ حابارلايدى "ادىرنا".
بۇعان دەيىن مۇنداي كورسەتكىشتى تەك 2017 جىلى "بەنفيكا" ساپىندا 18 جاس 65 كۇنىندە ميلە سۆيلار كورسەتكەن بولاتىن. قازىر ول ءريمنىڭ "روماسىندا" وينايدى. ليسسابوندا وتكەن كەزدەسۋ الاڭ يەلەرىنىڭ 4:1 ەسەبىمەن جەڭىسىمەن اياقتالدى.
ايتا كەتەيىك، الماتىلىقتاردىڭ نەگىزگى قاقپاشىسى الەكساندر زارۋتسكي پلەي-وفف كەزەڭىندەگى "سەلتيككە" قارسى العاشقى ويىندا جاراقات العان ەدى. ال ىرىكتەۋ كەزەڭىنىڭ باستى قاھارمانى، جاۋاپتى ويىندا "سەلتيككە" قارسى سەريادا ءۇش پەنالتي قايتارا بىلگەن تەمىرلان اناربەكوۆ 14 قىركۇيەكتە وتكەن قپل-2025 تۋرىنداعى "اقتوبەگە" قارسى كەزدەسۋدە جاق سۇيەگىن سىندىرىپ العان.
"قايرات" كەلەسى كەزدەسۋىن 30 قىركۇيەك كۇنى الماتىنىڭ ورتالىق ستاديونىندا "رەال مادريدكە" قارسى وتكىزەدى.
