Almaty oblysynda jyl soŋyna deiın «Kusto Logistics» köterme-bölu ortalyǧy, «MP Solution» jäne «Euraziialyq logistikalyq park», «Imagine Apple Logistics» ırı logistikalyq keşender men industriialyq parkter paidalanuǧa berıledı. Būl turaly Almaty oblysynyŋ äkımı Marat Sūltanǧaziev Ortalyq kommunikasiialar qyzmetındegı brifingte aitty.
Äkımnıŋ mälımetınşe, osyndai käsıporyndardy ornalastyru maqsatynda 15 industrialdy aimaq qūrylyp (Talǧar audanynda «Qairat-2», Eŋbekşıqazaq audanynda «Şelek», Jambyl audanynda «Qazybek Bek», «Ülken», Ūiǧyr audanynda «Tasqarasu», «Sūŋqar», Qonaev qalasynda «Qonaev», Alatau qalasynda «Bereke» jäne jeteuı Ülken Almaty ainalma jolynyŋ maŋynda) jatyr.
Olardyŋ ışınde «Qairat-2» industrialdyq aimaǧy şetel investorlary esebınen salynsa, Ülken Almaty ainalma jolynyŋ maŋyndaǧy aimaqtardy jer ielerımen bırlesıp jüzege asyrylady.
«Osylaişa, oblysymyzdyŋ investisiialyq potensialyn arttyru ırı käsıporyndardyŋ ǧana emes, şaǧyn jäne orta biznestıŋ de damuyna mümkındık berıp jatyr. Bügınde şaǧyn jäne orta biznestıŋ jalpy öŋırlık önımdegı ülesı 46,3%-ǧa jetıp, olardyŋ sany 156 myŋnan asty (2022 jyly – 116,6 myŋ), ösım kölemı 33,8% boldy», - dedı Sūltanǧaziev.
Būl salada barlyq jūmyspen qamtylǧan (740,3 myŋ adam) halyqtyŋ üşten bır bölıgı jūmys ısteidı (273 myŋ adam).
