تاشكەنتتە Halyk ەنشىلەس ۇيىمى بولىپ تابىلاتىن Tenge Bank جاڭا عيماراتىنىڭ سالتاناتتى اشىلۋ ءراسىمى ءوتتى. ءىس-شارانىڭ قازاقستاننىڭ ۇلتتىق ۆاليۋتاسى – تەڭگە كۇنى وتكەنى سيمۆولدىق. اشىلۋ سالتاناتىنا ونلاين-رەجيمدە قازاقستان پرەزيدەنتى قاسىم-جومارت توقاەۆ پەن وزبەكستان پرەزيدەنتى شاۆكات ميرزيوەۆ قاتىستى. بۇل وقيعا ءبىزدىڭ رەسپۋبليكالار اراسىنداعى قارجىلىق ىنتىماقتاستىقتى نىعايتۋداعى ماڭىزدى قادام بولدى.
قازاقستان مەن وزبەكستاننىڭ تەرەڭدەتىلگەن ءوزارا ءىس-قيمىلى بيزنەستىڭ سەنىمىن ارتتىرىپ، ينۆەستورلار مەن سەرىكتەستەر ءۇشىن مۇمكىندىكتەردى كەڭەيتە وتىرىپ، ايتارلىقتاي ناتيجەلەر كورسەتىپ وتىر. وزبەكستان اۋقىمدى ەكونوميكالىق رەفورمالار جۇرگىزۋدە. قازاقستاننىڭ ەكونوميكالىق سەرپىنى ۇلتتىق دامۋدىڭ ورنىقتىلىعىن راستايدى: 2025 جىلدىڭ العاشقى ون ايىندا ءجىو ءوسىمى 6,4% قۇرادى. ەلدىڭ بانك سەكتورى ورتالىق ازيا وڭىرىندەگى ەڭ مىقتى بولىپ تابىلادى، بۇل باسقا ەلدەردىڭ ەكونوميكاسىنا بەلسەندى ينۆەستيتسيا سالۋعا، سول جەردە ءوزىنىڭ ەنشىلەس كومپانيالارىن اشۋعا مۇمكىندىك بەرەدى.
2019 جىلدان باستاپ Halyk Group قۇرامىنا كىرەتىن Tenge Bank قازاقستان مەن وزبەكستان اراسىنداعى سەنىمدى قارجى كوپىرىنە اينالدى، ول ارقىلى بيزنەسكە جانە حالىققا جالپى سوماسى $1,5 ملرد كرەديتتەر بەرىلدى. تاشكەنتتىڭ ىسكەرلىك ورتالىعىندا اشىلعان جاڭا Tenge Bank عيماراتى $35 ملن ينۆەستيتسيامەن سالىندى.
Tenge Bank نەسيە پورتفەلىنىڭ 65%-دان استامىن قۇرايتىن شاعىن جانە ورتا بيزنەستى قولداۋعا باسا نازار اۋدارادى. شوب ەكونوميكالىق ءوسۋدىڭ، جۇمىسپەن قامتۋدىڭ جانە يننوۆاتسيالاردى دامىتۋدىڭ نەگىزى بولىپ تابىلادى جانە بانك كاسىپكەرلەردى زاماناۋي قارجى سەرۆيستەرى ارقىلى قولدايدى.
تسيفرلىق ترانسفورماتسيا Tenge Bank ستراتەگياسىنىڭ باستى باسىمدىقتارىنىڭ ءبىرى بولىپ تابىلادى. بانك كاسىپكەرلەر مەن حالىققا ء«بىر تەرەزەدە» قىزمەتتەردىڭ كەڭ سپەكترىنە قول جەتكىزۋدى قامتاماسىز ەتەتىن Tenge Business جانە Tenge24 پلاتفورمالارىن بەلسەندى دامىتۋدا. كليەنتتەر قارجىسىن باسقارىپ، نەسيە راسىمدەپ جانە وپەراتسيالاردى ونلاين ءبىر عانا كليكتە ورىنداي الادى.
2024 جىلدىڭ ماۋسىمىندا Tenge Bank وزبەكستانداعى شوب كليەنتتەرى ءۇشىن ونلاين-شوتتار اشۋدى، سونداي-اق جەكە كاسىپكەرلەرگە تولىق تسيفرلىق كەپىلسىز كرەديت بەرۋدى ىسكە قوسقان العاشقى بانك بولدى. سونىمەن قاتار، Halyk Bank كارتالارى مەن وزبەكستاندا شىعارىلعان كارتالار اراسىندا جەدەل اۋدارىمدار قامتاماسىز ەتىلدى، بۇل ەكى ەلدىڭ كليەنتتەرى ءۇشىن قارجىلىق قىزمەتتەردىڭ ىڭعايلىلىعى مەن قولجەتىمدىلىگىن ايتارلىقتاي ارتتىرادى.
Halyk Bank – Halyk Group فلاگمانى جانە اكتيۆتەرى $37 ملرد استامدى قۇرايتىن ورتالىق ازيانىڭ ءىرى قارجى ينستيتۋتى. توپ قارجى نارىعىنىڭ بارلىق سەگمەنتتەرىندە — كورپوراتيۆتىك جانە بولشەك بانك بيزنەسىندە، ساقتاندىرۋدا، ليزينگتە، بروكەرلىك قىزمەتتەردە، اكتيۆتەردى باسقارۋ مەن تەلەكوممۋنيكاتسيالاردا قىزمەتتەردىڭ كەڭ سپەكترىن ۇسىنادى. Halyk Group-تىڭ ستراتەگيالىق قاتىسۋى قازاقستان، وزبەكستان جانە گرۋزيانى قامتيدى، بۇل رەتتە وزبەكستان ودان ءارى حالىقارالىق كەڭەيتۋ ءۇشىن نەگىزگى نارىق رەتىندە قاراستىرىلادى.
