قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ورىنباسارى، سىبايلاس جەمقورلىققا قارسى قىزمەتتىڭ گەنەرال-مايورى اسحات جۇماعالي بىرىككەن اراب امىرلىگىنىڭ باس پروكۋرورىمەن كەزدەستى، دەپ حابارلايدى "ادىرنا" ۇلتتىق پورتالى.
بىرىككەن اراب امىرلىكتەرىنە بولعان كەزدەسۋ جايلى سىبايلاس جەمقورلىققا قارسى قىزمەتتىڭ گەنەرال-مايورى اسحات جۇماعاليدىڭ ءوزى حابارلادى.
- جۇمىس كەزدەسۋلەرىن جالعاستىرۋدامىز. بۇگىن ءبىزدى ءباا باس پروكۋرورى قابىلدادى. ءبىز ىزدەستىرۋ جانە ەكستراديتسيالاۋ ماسەلەلەرىن تالقىلادىق، - دەدى گەنەرال-مايور.
ەسكە سالا كەتەيىك، وسىعان دەيىن دە قر باس پروكۋراتۋراسىنىڭ ءباسپاسوز قىزمەتى:
«ءباا ادىلەت ءمينيسترى قىلمىسكەرلەردى بەرۋ جانە قىلمىستىق ىستەر بويىنشا قۇقىقتىق كومەك كورسەتۋ ماسەلەلەرى بويىنشا قازاقستان باس پروكۋراتۋراسىمەن ىنتىماقتاستىققا دايىن ەكەندىگىن مالىمدەدى،سونداي-اق ىزدەۋدە جۇرگەن تۇلعالاردى ەكستراديتسيالاۋ تۋرالى قازاقستاننىڭ بارلىق سۇرانىمدارىن جەدەل جانە وڭ شەشىم شىعارا وتىرىپ قاراۋعا قاجەتتى بارلىق شارالاردىڭ قابىلداناتىنىنا سەندىردى»، -دەگەن بولاتىن.
"ادىرنا" ۇلتتىق پورتالى
