استانادا توعىز قاباتتى تۇرعىن ءۇيدىڭ سىرتقى كىرپىش قاپتاماسى وپىرىلىپ، بەس ادام جاراقات الدى، دەپ حابارلايدى "ادىرنا" ۇلتتىق پورتالى.
وقيعا ەلورداداعى الماتى اۋدانىندا، تاۋەلسىزدىك داڭعىلى 24ب مەكەنجايىندا بولعان. ءۇيدىڭ سىرتقى قابىرعاسىمەن بىرگە كونديتسيونەر قوندىرعىسى دا قۇلاعان.
قالالىق قوعامدىق دەنساۋلىق ساقتاۋ باسقارماسىنىڭ مالىمەتىنشە، بارلىق زارداپ شەككەندەر №1 كوپسالالى اۋرۋحاناعا جەتكىزىلگەن.
ء«بىر ناۋقاستىڭ جاعدايى وتە اۋىر، وعان جەدەل وتا جاسالىپ جاتىر. تاعى ەكى ادام جانساقتاۋ بولىمىندە، جاعدايلارى اۋىر. قالعان ەكى ادامنىڭ جاعدايى تۇراقتى، ولار بولىمشەدە ەم قابىلداۋدا»، — دەلىنگەن باسقارما حابارلاماسىندا.
قازىر وقيعانىڭ سەبەپتەرى انىقتالىپ جاتىر.
ۇقساس جاڭالىقتار
