شانحاي ىنتىماقتاستىعى ۇيىمىنىڭ (شىۇ) «ساحاند-انتيتەررور-2025» اتتى بىرلەسكەن انتيتەرروريستىك جاتتىعۋى 4 جەلتوقساندا يراندا وتەدى، دەپ حابارلايدى "ادىرنا" ۇلتتىق پورتالى.
شىۇ ايماقتىق انتيتەرروريستىك قۇرىلىمىنىڭ اتقارۋشى ديرەكتورى ۇلاربەك شارشەەۆتىڭ مالىمەتىنشە، جاتتىعۋعا مۇشە مەملەكەتتەردىڭ كومپەتەنتتىك ورگاندارى قاتىسادى.
فينالدىق شارالار مەن جابىلۋ ءراسىمى يراننىڭ تەبريز قالاسىنىڭ ماڭىندا ۇيىمداستىرىلادى.
شىۇ-عا مۇشە ەلدەردىڭ اسكەرى ءۇشىن رەسمي شاقىرۋلار مەن باعدارلاما جاقىن ارادا قاتىسۋشىلار مەن باقىلاۋشىلارعا جىبەرىلەتىنى ايتىلدى.
ايتا كەتەيىك، بۇعان دەيىن تاجىكستاندا «سودرۋجەستۆو-انتيتەررور-2025» انتيتەرروريستىك جاتتىعۋىنىڭ سوڭعى كەزەڭى ءوتتى. جاتتىعۋعا رەسەي، ارمەنيا، بەلارۋس، قازاقستان، قىرعىزستان، تاجىكستان جانە وزبەكستان وكىلدەرى قاتىستى، ءىس-شارالار كەدەندىك وداققا قاراستى انتيتەرروريستىك ورتالىقتىڭ قولداۋىمەن وتكىزىلدى.
