ماڭعىستاۋ وبلىسىندا ءجاسوسپىرىم قىزداردىڭ كوشەدەگى توبەلەسى ۆيدەوعا ءتۇسىپ، الەۋمەتتىك جەلىلەردە تارالدى، دەپ حابارلايدى "ادىرنا" ۇلتتىق پورتالى Stan.kz-كە سىلتەپ.
وبلىستىق پوليتسيا دەپارتامەنتىنىڭ مالىمەتىنشە، وقيعا 18 قازاندا جاڭاوزەن قالاسىندا بولعان. توبەلەسكە قاتىسقان وقۋشى قىزدار انىقتالىپ، اتا-انالارىمەن بىرگە پوليتسيا بولىمىنە جەتكىزىلدى.
قازىرگى تاڭدا كامەلەتكە تولماعانداردىڭ زاڭدى قامقورشىلارى اكىمشىلىك قۇقىقبۇزۋشىلىق تۋرالى كودەكستىڭ 127-بابى — «بالالارىن تاربيەلەۋ مەن وقىتۋ بويىنشا ءوز مىندەتتەرىن تيىسىنشە ورىنداماۋ» بويىنشا اكىمشىلىك جاۋاپكەرشىلىككە تارتىلدى. ولارعا 10 ايلىق ەسەپتىك كورسەتكىش (39 320 تەڭگە) كولەمىندە ايىپپۇل سالىندى.
ماتەريال كامەلەتكە تولماعاندار ءىسى جونىندەگى كوميسسياعا جولداندى. ال توبەلەسكە قاتىسقان قىزداردىڭ وزدەرى پروفيلاكتيكالىق باقىلاۋعا الىندى.
پوليتسيا جاسوسپىرىمدەر اراسىنداعى مۇنداي قۇقىقبۇزۋشىلىقتىڭ الدىن الۋ بويىنشا ءتۇسىندىرۋ جۇمىستارىن جالعاستىرىپ جاتقانىن مالىمدەدى.
