قازاقستان پرەمەر-ءمينيسترى ولجاس بەكتەنوۆ ەل ازاماتتارىنان ينتەرنەت ساپاسىنا قاتىستى شاعىم ءتۇسىپ جاتقانىن ايتتى، دەپ حابارلايدى "ادىرنا" ۇلتتىق پورتالى.
ۇكىمەت وتىرىسىندا بەكتەنوۆ تۇراقتى ينتەرنەتتىڭ قازىرگى زاماننىڭ باستى قاجەتتىلىكتەرىنىڭ ءبىرى ەكەنىن اتاپ ءوتتى.
«تۇراقتى ينتەرنەت – بۇل ءسان ەمەس، بازالىق قاجەتتىلىك. سوعان قاراماستان، جولداردا بايلانىس ۇستامايتىن، اۋىلداردا ينتەرنەتتىڭ باياۋ جۇمىس ىستەيتىن جاعدايلارى ءجيى كەزدەسەدى. ءتىپتى قالالاردا دا ءىرى ءىس-شارالار كەزىندە بايلانىس ساپاسى تومەندەپ كەتەدى»، – دەدى ۇكىمەت باسشىسى.
پرەمەر-مينيستر جاساندى ينتەللەكت جانە تسيفرلىق دامۋ مينيسترلىگىنە بايلانىس وپەراتورلارىمەن بىرلەسە وتىرىپ، الداعى ءىرى شارالارعا الدىن الا دايىندالۋدى جانە بايلانىس ينفراقۇرىلىمىنا تۇسەتىن جۇكتەمەنى مۇقيات ەسەپتەۋدى تاپسىردى.
ايتا كەتەيىك، 30 قىركۇيەكتە الماتىدا وتكەن تاريحي «كايرات» – «رەال» ماتچى كەزىندە كوپتەگەن كورەرمەندەر ينتەرنەتتىڭ ناشارلىعىنا شاعىمدانعان.
ۇكىمەت جالپى سوماسى 1,5 ملرد اقش دوللارىن قۇرايتىن ەۋرووبليگاتسيالاردى شىعارۋدى ءساتتى جۇزەگە اسىردى
