20 قازان كۇنى تاڭەرتەڭ گونكونگ حالىقارالىق اۋەجايىندا Emirates SkyCargo كومپانياسىنا تيەسىلى Boeing 747-400 جۇك ۇشاعى اپاتقا ۇشىرادى، دەپ حابارلايدى "ادىرنا" ۇلتتىق پورتالى.
South China Morning Post جازۋىنشا، دۋبايدان ۇشىپ كەلگەن EK9788 رەيسى ۇشۋ-قونۋ جولاعىنان شىعىپ كەتىپ، قىزمەتتىك كولىككە سوعىلعاننان كەيىن وڭتۇستىك قىتاي تەڭىزىنىڭ سۋىنا باتىپ كەتكەن.
الدىن الا مالىمەت بويىنشا، ءبىر قىزمەتكەر وقيعا ورنىندا قازا تاپقان، ەكىنشىسى جاراقات الىپ اۋرۋحاناعا جەتكىزىلگەنىمەن، كوز جۇمعان.
ەكيپاجدىڭ ءتورت مۇشەسى زارداپ شەكپەي، ءوز بەتىمەن ەۆاكۋاتسيالانعان.
قازىر اۋەجايدىڭ سولتۇستىك ۇشۋ-قونۋ جولاعى ۋاقىتشا جابىلىپ، وقيعانىڭ سەبەپتەرى مەن ەكولوگيالىق سالدارىنا بايلانىستى تەرگەۋ جۇرگىزىلىپ جاتىر.
ۇقساس جاڭالىقتار
