شىمكەنتتەگى ينفەكتسيالىق اۋرۋحانانىڭ دالىزىندە ەمدەلۋشىلەر، ونىڭ ىشىندە بالالى ايەلدىڭ جاتقانى جايلى ۆيدەو الەۋمەتتىك جەلىدە رەزونانس تۋدىردى. اكىمدىك مەكەمەدەگى كۇردەلى جوندەۋ جۇمىستارىنا بايلانىستى ۋاقىتشا قيىندىق تۋىنداعانىن مالىمدەدى، دەپ حابارلايدى “ادىرنا”.
Otyrar باسىلىمىنىڭ اقپاراتىنشا، اۋرۋحانانىڭ ون بولىمشەسىنىڭ سەگىزى تاۋلىك بويى جۇمىس ىستەپ، قاۋىپتى جۇقپالى اۋرۋلاردى جۇقتىرعان ناۋقاستاردى قابىلداپ جاتىر.
اكىمشىلىكتىڭ مالىمەتىنشە پالاتالار 2-4 توسەككە ەسەپتەلگەن جانە بولەك جۋىناتىن بولمەلەرمەن، جەلدەتۋ جۇيەلەرىمەن جابدىقتالعان. پاتسيەنتتەر جاپپاي تۇسكەن جاعدايدا سانيتارلىق ەرەجەلەرگە سايكەس دالىزدەرگە ۋاقىتشا ورنالاستىرۋعا رۇقسات ەتىلەدى جانە دەنساۋلىق ساقتاۋ مينيسترلىگىنىڭ بۇيرىقتارىمەن رەتتەلەدى.
تەكسەرۋ بارىسىندا سانيتارلىق تالاپتار مەن مەديتسينالىق ەتيكا نورمالارىنىڭ بۇزىلۋى انىقتالعان جوق. ناۋقاستار ۇنەمى باقىلاۋدا، ال ساۋىعىپ كەتكەندەر امبۋلاتورلىق ەمگە اۋىستىرىلىپ جاتىر.
اكىمدىك ەپيدەميولوگيالىق جاعدايدىڭ باقىلاۋدا ەكەنىن، مەديتسينا قىزمەتكەرلەرىنىڭ بارلىق ءىس-ارەكەتى بەلگىلەنگەن ستاندارتتارعا ساي ەكەنىن اتاپ ءوتتى.
