قالا اۋماعىنداعى تۇرمىستىق قالدىقتاردى جيناۋ جانە شىعارۋ جۇيەسىن جاڭعىرتۋ جۇمىستارى جالعاسۋدا. وسى ماقساتتا ساتباەۆ قالاسىنا زاماناۋي ۇلگىدەگى 187 جاڭا ەۆروكونتەينەر جەتكىزىلدى.
جاڭا ۇلگىدەگى قوقىس كونتەينەرلەرى – قاقپاعى بار، مىرىشپەن قاپتالعان، ەكولوگيالىق جانە سانيتارلىق تالاپتارعا تولىق سايكەس وتاندىق ءونىم. ولار بۇرىنعى توزىعى جەتكەن كونتەينەرلەردىڭ ورنىن باسىپ، تۇرعىندارعا قولايلى جاعداي جاسايدى.
كونتەينەرلەردىڭ باستى ارتىقشىلىقتارى:
• مىرىشتالعان قاپتاما ارقىلى كورروزيادان سەنىمدى قورعالعان;
• قاقپاعى بار قۇرىلىم قوقىستىڭ شاشىلۋىن جانە جاعىمسىز يىستەردىڭ تارالۋىن بولدىرمايدى;
• قالدىقتاردى جيناۋ جانە شىعارۋ پروتسەسىن ايتارلىقتاي جەڭىلدەتەدى.
كونتەينەرلەردى ورناتۋ جۇمىستارى كەزەڭ-كەزەڭىمەن جۇرگىزىلۋدە. بۇل جاڭارتۋ قالانىڭ سانيتارلىق جاعدايىن جاقسارتۋعا، ەكولوگيالىق مادەنيەتتى ارتتىرۋعا جانە تۇرعىندار ءۇشىن جايلى ورتا قالىپتاستىرۋعا باعىتتالعان.
جاڭا كونتەينەرلەر ورناتىلعاننان كەيىن ساتباەۆ قالاسىنىڭ اۋلالارى مەن قوعامدىق كەڭىستىكتەرى الدەقايدا تازا ءارى ۇقىپتى كۇيدە بولادى دەپ كۇتىلۋدە.
ۇقساس جاڭالىقتار
