الماتىدا New Vision Forum 2025 اشىلدى. ونىڭ جۇمىسىنا جيىرمادان استام ەلدەن كەلگەن كاسىپكەرلەر، ينۆەستورلار، ساراپشىلار مەن كرەاتيۆتى يندۋستريا وكىلدەرى قاتىسۋدا. القالى فورۋم ەۋرازيانىڭ ءىرى بيزنەس-الاڭدارىنىڭ ءبىرى سانالادى.
الماتى اكىمى دارحان ساتىبالدى فورۋمنىڭ اياسىندا نەگىزگى سپيكەرلەردىڭ ءبىرى ءارى Booking.com, Priceline.com جانە uBid. com,-نىڭ تەڭ قۇرىلتايشىسى، تانىمال ينۆەستور جانە كاسىپكەر دجەفف حوففمانمەن كەزدەستى.
اڭگىمە بارىسىندا تاراپتار كاسىپكەرلىكتى قولداۋ، يننوۆاتسيالىق ەكوجۇيەنى دامىتۋ جانە قالا ەكونوميكاسىنا ينۆەستيتسيالار تارتۋ ماسەلەلەرىن تالقىلادى. سونداي-اق، ستارتاپتار اۋقىمىن كەڭەيتۋ جانە قازاقستاندىق كومپانيالاردىڭ حالىقارالىق نارىقتارعا شىعۋى تۋرالى ءسوز بولدى.
فورۋمعا قاتىسۋشىلار الدىندا ءسوز سويلەگەن دارحان ساتىبالدى الماتىنىڭ وڭىردەگى بيزنەس، تۋريزم جانە كرەاتيۆتى يندۋستريالار ءۇشىن تارتىلىس ورتالىعى ەكەنىن اتاپ ءوتتى.
«الماتى كرەاتيۆتى يندۋستريانىڭ جەتەكشى ورتالىعى مارتەبەسىن ساقتاپ وتىر. فورۋم اياسىندا كاپيتالداندىرىلۋى 40 ملن دوللارعا جۋىق كرەاتيۆتى يندۋستريالاردىڭ قازاقستانداعى العاشقى قالالىق ۆەنچۋرلىق قورىن قۇرۋ تۋرالى كەلىسىمگە قول قويۋ جوسپارلانىپ وتىر. قور كينو، ديزاين، تسيفرلىق مازمۇن جانە ويىن يندۋسترياسىنداعى جوبالاردى قارجىلاندىراتىن بولادى. ونىڭ ورىندالۋى قالا ەكونوميكاسىنىڭ دامۋىنا قۋاتتى سەرپىن بەرىپ، الماتىنىڭ ەلدىڭ قارجى جانە ىسكەرلىك ورتالىعى رەتىندەگى ءرولىن ودان ءارى تولىقتىرا تۇسەدى»، - دەپ اتاپ ءوتتى قالا اكىمى.
فورۋم 9-11 قازان ارالىعىندا وتەدى. وعان جەتى مىڭنان استام قاتىسۋشىلار مەن جۇزدەن استام ەكسپونەنت -كومپانيا وكىلدەرى قاتىسۋدا. القالى جيىن اياسىندا پانەلدىك پىكىرتالاستار، كورمەلەر، شەبەرلىك دارىستەرى مەن كەلىسسوزدەر ۇيىمداستىرىلىپ جاتىر.
