ۇلتتىق ستاتيستيكا بيۋروسى حالىقتىڭ ءومىر ءسۇرۋ ساپاسىن انىقتاۋ ماقساتىندا جۇرگىزگەن زەرتتەۋدىڭ ناتيجەسىن جاريالادى، دەپ حابارلايدى «ادىرنا» ءتىلشىسءى.
زەرتتەۋ قورىتىندىسى بويىنشا رەسپوندەنتتەردىڭ 53,2%-ى وزدەرىنىڭ ءومىر ءسۇرۋ جاعدايلارىنا قاناعاتتاناتىندارىن ايتقان. بۇل كورسەتكىش وتكەن جىلعى كورسەتكىشپەن سالىستىرعاندا 0,7 پايىزعا جوعارى. ال 46,3% قازاقستاندىق ءوز ومىرىنە جارتىلاي قاناعاتتاناتىنىن جەتكىزگەن.
ايتا كەتەرلىگى، اۋىل تۇرعىندارى اراسىندا ومىرىنە ريزا جانداردىڭ ۇلەسى (65,4%) قالا تۇرعىندارىنا قاراعاندا (51,7%) ەداۋىر كوپ.
سونىمەن قاتار رەسپوندەنتتەردىڭ 51 پايىزىء وز دەنساۋلىعىنا قاناعاتتاناتىنىن، 46,4 پايىزى جارتىلاي قاناعاتتاناتىنىن ايتقان. بۇل دا وتكەن جىلمەن سالىستىرعاندا 1,5 پايىزعا ارتقان.
زەرتتەۋ ناتيجەسىندە 73,6% ازامات وزدەرىن تابىس دەڭگەيى بويىنشا «ورتاشا قامتاماسىز ەتىلگەندەر» قاتارىنا جاتقىزعان. 65,8% قاتىسۋشى تۋىستارى مەن تانىستارى تاراپىنان مورالدىق قولداۋعا سەنەتىنىن ايتقان.
ال ساۋالناماعا قاتىسقان قازاقستاندىقتاردىڭ 73 پايىزىء وز بولاشاعىنا سەنىمدى جانە الداعى ۋاقىتتا جاعداي جاقسارادى دەپ ۇمىتتەنەدى.
