ازەربايجان پرەزيدەنتى يلحام اليەۆ تۇركى مەملەكەتتەرى ۇيىمىنا مۇشە ەلدەردىڭ بىرلەسكەن اسكەري وقۋ-جاتتىعۋلارىن 2026 جىلى رەسپۋبليكا اۋماعىندا وتكىزۋدى ۇسىندى، دەپ حابارلايدى «ادىرنا» ءتىلشىسى.
ساياساتكەر «اسكەري كۇش — تاۋەلسىزدىك پەن اۋماقتىق تۇتاستىقتىڭ كەپىلى» ەكەنىن اتاپ ءوتتى.
ء«بىزدىڭ ەلدەرىمىزدىڭ اسكەري، قورعانىس جانە قاۋىپسىزدىك سالالارىنداعى كەڭ ىنتىماقتاستىعىن ەسكەرە وتىرىپ، 2026 جىلى ازەربايجاندا تۇركى مەملەكەتتەرى ۇيىمىنا مۇشە ەلدەردىڭ بىرلەسكەن اسكەري وقۋ-جاتتىعۋلارىن وتكىزۋدى ۇسىنامىز»، – دەدى ول.
تامىز ايىندا اليەۆ ارمەنيا مەن ازەربايجان اراسىنداعى قارىم-قاتىناستى قالىپقا كەلتىرۋ پروتسەسى ءىس جۇزىندە اياقتالعانىن، قول قويىلعان قۇجاتتار باكۋدىڭ مۇددەلەرىن تولىق قامتاماسىز ەتەتىنىن مالىمدەگەن بولاتىن. ساياساتكەردىڭ ايتۋىنشا، بەيبىتشىلىك تۋرالى كەلىسىمگە پاراف قويۋ باكۋ مەن ەرەۆان اراسىنداعى قاقتىعىسقا ءىس جۇزىندە نۇكتە قويدى.
بۇعان دەيىن ازەربايجان مەن ارمەنيا اراسىنداعى كەلىسسوزدەردىڭ اياقتالۋعا جاقىن ەكەنى جانە تاراپتاردىڭ ءبىتىم تۋرالى كەلىسىمگە قول قويۋ كەزەڭىنە جەتكەنى حابارلانعان ەدى.
