تۇركىستان وبلىسىندا ينفراقۇرىلىمدى جاقسارتۋ، تۇرعىندارعا جايلى ورتا قالىپتاستىرۋ باعىتىندا جۇيەلى جۇمىستار جالعاسۋدا. وبلىس اكىمى نۇرالحان كوشەروۆ تۇركىستاندا قۇرىلىسى ءجۇرىپ جاتقان نىسانداردىڭ جاي-كۇيىنە كەزەكتى رەت شولۋ جاساپ، جاۋاپتى باسشىلاردىڭ ەسەپتەرى مەن ۇسىنىستارىن تىڭدادى.
ءوڭىر باسشىسىنا قابانباي باتىر ەسكەرتكىشى اۋماعىن رەتكە كەلتىرۋجوباسى تانىستىرىلدى. جوسپار بويىنشا وسى اۋماقتا شاحمات الاڭى، اياقجول، ورىندىقتار مەن ۋرنالار، قورشاۋ ورناتۋ كوزدەلگەن. سونىمەن بىرگە كوگالداندىرۋ جۇمىستارى كۇشەيتىلمەك.
تۇركىستان – بۇگىندە ءىرى تۋريستىك ورتالىققا اينالىپ كەلەدى. سوندىقتان تەمىرجول بويىندا دا تۇرعىندارعا، جولاۋشىلارعا قولايلى جاعداي جاسالۋى ءتيىس. وسى رەتتە تۇركىستان تەمىرجولى بويىندا ەكى جولاۋشىلار كوپىرى سالىنىپ جاتىر. وبلىس اكىمى سولاردىڭ بىرىندە بولىپ، قۇرىلىستىڭ ساپاسىن باقىلالدى. مەردىگەر مەن تەحنيكالىق قاداعالاۋشىعا سىن-ەسكەرتپە ايتىپ، جۇمىس ساپاسىن جاقسارتۋدى تاپسىردى.
جاۋاپتى باسشىلارعا وسى قۇرىلىستى قاداعالاپ، تالاپقا ساي ەتۋدى مىندەتتەدى. اتالعان كوپىرلەردىڭ بىرەۋىنىڭ ۇزىندىعى 117 مەتر بولسا، ەكىنشىسىنىڭ ۇزىندىعى 46 مەتر بولادى دەپ جوسپارلانعان. قۇرىلىستى بيىل اياقتاپ، نىساندى ەل يگىلىگىنە تاپسىرۋ كوزدەلىپ وتىر. قارجىسى بولىنگەن.
ۇقساس جاڭالىقتار
