AQSh Kongresiniń spıkeri Nensı Pelosıdiń saparynan keıin Qytaı Taıvanǵa qarsy saýda sankııalaryn saldy. Bul týraly Taıvandaǵy Economic Daily News gazeti jarııalady, dep habarlaıdy “Adyrna” ulttyq portaly.
Málimet boıynsha, Qytaıdyń bas keden basqarmasy 3 tamyzda málimdeme jasap, budan bylaı Taıvannan ıtrýs jemisteri, salqyndatylǵan qylysh balyq, muzdatylǵan skýmbrııa jáne basqa da ónimderdiń ımporty toqtatylatynyn habarlaǵan.
Qytaıdyń resmı málimdemesinde ımporttyń toqtatylýynyń negizgi sebebi – osy ónimderden zııandy zattardyń tabylýyna baılanysty dep túsindirildi.
Qytaıdyń Saýda mınıstrligi de 3-i kúni tańerteń Taıvanǵa tabıǵı qumdy eksporttaýdy toqtatatynyn jarııalady.
Qytaı úkimetiniń «Taıvan isteri jónindegi keńsesi» de sol kúni Taıvannyń «Taıvan demokratııasy qory», «Halyqaralyq yntymaqtastyq jáne damý qory» jáne basqa da uıymdarǵa sankııa salyp, bul uıymdardyń qytaılyq kásiporyndarmen, zańdy tulǵalar nemese basqa kez kelgen nysanda yntymaqtastyq jasaýyna tyıym salatynyn habarlady.
”Adyrna” ulttyq portaly
