مەملەكەت باسشىسى قاسىم-جومارت توقاەۆ تۇركىمەنستان پرەزيدەنتى سەردار بەردىمۇحامەدوۆكە قۇتتىقتاۋ جەدەلحاتىن جولدادى، دەپ حابارلايدى "ادىرنا" ۇلتتىق پورتالى.
قازاقستان پرەزيدەنتى باۋىرلاس ەلدى تاۋەلسىزدىك كۇنىمەن قۇتتىقتاپ، بارشا تۇرىكمەن حالقىنا يگىلىك پەن وركەندەۋ تىلەدى.
جەدەلحاتتا توقاەۆ قازاقستان مەن تۇركىمەنستان اراسىنداعى ىنتىماقتاستىقتىڭ قارقىندى دامىپ كەلە جاتقانىن اتاپ ءوتتى. سونداي-اق، بىرلەسكەن كۇش-جىگەردىڭ ارقاسىندا ەكى ەل اراسىنداعى بايلانىستاردىڭ مازمۇنى بايىپ، ستراتەگيالىق سەرىكتەستىك رۋحىنا جانە قوس حالىقتىڭ مۇددەسىنە تولىق ساي كەلەتىنىن جەتكىزدى.
قاسىم-جومارت توقاەۆ مەملەكەتارالىق قارىم-قاتىناستاردى جان-جاقتى نىعايتۋعا بەيىلدى ەكەنىن راستاپ، سەردار بەردىمۇحامەدوۆكە جاۋاپتى قىزمەتىندە تابىس تىلەدى.
ۇقساس جاڭالىقتار
