مينيستر ارمان شاققاليەۆ باعانى تۇراقتاندىرۋعا باعىتتالعان قوسىمشا شارالاردى جاريالاپ،كەڭ كولەمدى «بەرەكە Fest» اكتسياسىنىڭ وتەتىنىن حابارلادى.
ساۋدا مينيسترلىگى الەۋمەتتىك ماڭىزى بار ازىق-تۇلىك تاۋارلارىنا ساۋدا ۇستەمەسىنىڭ ساقتالۋىن باقىلاۋدى كۇشەيتۋدە. ساۋدا جانە ينتەگراتسيا ءمينيسترى ارمان شاققاليەۆتىڭ توراعالىعىمەن ەلىمىزدىڭ بارلىق وڭىرلەرىنەن 80-نەن استام ساۋدا جەلىلەرىنىڭ وكىلدەرى قاتىسقان كەڭەيتىلگەن وتىرىس ءوتتى. ءىس-شاراعا قازاقستان ساۋدا جەلىلەرى قاۋىمداستىعى، وبلىس اكىمدەرىنىڭ ورىنباسارلارى، سونداي-اق Magnum Cash&Carry, Small&Skif,Anvar, Dina, Dana, Norma, Metro, Toimart, Galmart, INMART, Greenwich جانە باسقادا ءىرى ساۋدا جەلىلەرى قاتىستى.
مينيستر ۇكىمەت بەكىتكەن الەۋمەتتىك ماڭىزى بار تاۋارلارعا 15% مولشەرىندەگى ساۋدا ۇستەمەسىن ساقتاۋ قاجەتتىگىن ەسكە سالىپ، بۇزۋشىلىق ورىن العان جاعدايدا قاتاڭ شارالار قولدانىلاتىنىن ەسكەرتتى. جىل باسىنان بەرى مينيسترلىكتىڭ اۋماقتىق دەپارتامەنتتەرى 2562 اكىمشىلىك قاۋلى قابىلدادى، ونىڭ ىشىندە 1360-ى – 56,5 ملن تەڭگەدەن استام سوماعا ايىپپۇل، 1202-ءى – ەسكەرتۋ. اقبتك-ءنىڭ 204-4-بابىنا سايكەس ءامات-قا ساۋدا ۇستەمەسىن اسىرىپ جىبەرگەنى ءۇشىن 2191 قاۋلى شىعارىلدى، سونىڭ ىشىندە 1020-سى – 39,6 ملن تەڭگەگە ايىپپۇل سالىندى.
ەت ونىمدەرى نارىعىندا بەلگىلەنگەن ساۋدا ۇستەمەسىنىڭ ساقتالۋىنا ەرەكشە نازار اۋدارىلدى. الەۋمەتتىك ماڭىزى بار سيىر ەتىنە ۇستەمە باعانى اسىرعانى ءۇشىن 45 قاۋلى راسىمدەلدى، ونىڭ 33-ءى – ايىپپۇل. ساۋدا مينيسترلىگى اۋىل شارۋاشىلىعى مينيسترلىگىمەن بىرلەسىپ، ەتونىمدەرىن ساۋدا ورىندارىنا جەتكىزۋ كەزىندە ۇستەمە باعانىڭ ساقتالۋىن باقىلاۋ ءۇشىن قوسىمشا مونيتورينگتىك توپتار قۇرۋدا. سونداي-اق الەۋمەتتىك ماڭىزى بارازىق-تۇلىك تاۋارلارىن وتكىزۋدە جاسىرىن قىمباتتاۋ سحەمالارىن جانە رەترو-بونۋستاردى الىپ تاستاۋعا باعىتتالعان زاڭنامالىق وزگەرىستەر دايىندالىپ جاتىر.
ايماقتىق كوميسسيالاردىڭ جۇمىسى اياسىندا جىل باسىنان بەرى 747 وتىرىس وتكىزىلىپ، 2301 بۇزۋشىلىق فاكتىسى انىقتالدى، 1956 اكىمشىلىك قاۋلى قابىلداندى، 345 ءونىمسىز دەلدالدار الىنىپ تاستالدى. ەلەكتروندى شوت-فاكتۋرالاردى تالداۋ بارىسىندا 9015 مىڭ تاۋارلىقتىزبەكتىڭ ىشىنەن 823 تاۋەكەلدى بۇزۋشىلىق انىقتالدى.
بۇدان بولەك، ساۋدا جانە ينتەگراتسيا مينيسترلىگىنىڭ باستاماسىمەن ەلىمىزدەگى ءىرى ساۋدا جەلىلەرىندە «بەرەكەFest» اكتسياسى باستالاتىنىن حابارلايمىز. اكتسيا اياسىندا جاڭا ونىمدەر، اسىرەسە حالىقتىڭ سۇرانىسىنا يە جاڭا پىسكەن كوكونىستەر، جەمىستەر مەن سيىر ەتى ۇسىنىلادى. ساۋدا جەلىلەرى قازاقستاندىق وندىرۋشىلەر ءۇشىن ارنايى ورىندار ءبولىپ، ونىمدەردى نارىقتان تومەن باعادا ساتۋعا مۇمكىندىك بەرەدى. بۇل ىشكى ءوندىرىستى قولداپ قاناقويماي، ءبىرىنشى قاجەتتىلىكتەگى ازىق-تۇلىك باعاسىنىڭ تۇراقتانۋىنا ىقپال ەتەدى. سونىمەن قاتار اۋىل شارۋاشىلىعى مينيسترلىگى مەن جەرگىلىكتى اكىمدىكتەرمەن بىرلەسىپ، وڭىرلەردە اۋىل شارۋاشىلىعى جارمەڭكەلەرىنىڭ سانى كوبەيتىلىپ جاتىر. بۇل ءوز كەزەگىندە تۇتىنۋشىلاردىڭ ساپالى وتاندىق تاۋارلارعا تىكەلەي قول جەتكىزۋىنەجاعداي جاساپ، دەلدالداردىڭ سوڭعى باعاعا ىقپالىن تومەندەتەدى.
