فوتو: Anadolu Ajensi
اقش پرەزيدەنتى دونالد ترامپ كابۋلمەن باگرام اۋە بازاسىن قايتارۋ جانە ونىڭ اۋماعىندا شەكتەۋلى امەريكالىق اسكەر ۇستاۋ جونىندە كەلىسسوزدەر جۇرگىزىلىپ جاتقانىن حابارلادى، دەپ حابارلايدى “ادىرنا”.
وۆالدى كابينەدە جۋرناليستەرمەن اڭگىمەلەسۋ بارىسىندا ترامپ باگرام اۋە بازاسى ماسەلەسىنە قاتىستى ءوز ۇستانىمىن تاعى دا قايتالادى.
ول دجو بايدەن اكىمشىلىگىن بازادان سەبەپسىز كەتۋىنە سىن ايتىپ، بۇل ارەكەتتى بىلىكسىزدىكتىڭ كورىنىسى دەپ اتادى.
«باگراممەن نە بولاتىنىن كورەيىك. ءبىز اۋعانستانمەن كەلىسسوزدەر جۇرگىزىپ جاتىرمىز. وسى بازادان باس تارتۋعا ەشقانداي سەبەپ بولمادى»، - دەدى ترامپ.
سونداي-اق، ترامپ ەگەر اقش باقىلاۋدى قالپىنا كەلتىرسە، وندا شەكتەۋلى اسكەري كونتينگەنت ورنالاستىرۋدى جوسپارلاپ وتىرعانىن ايتتى.
«باگرامنان باس تارتۋعا ەشقانداي سەبەپ بولعان جوق. ءبىز بۇل اۋە بازاسىن ساقتاۋىمىز كەرەك ەدى»، - دەپ قوستى ول.
