الماتىداعى كوشەلەردىڭ بىرىنە مارقۇم مانەرلەپ سىرعاناۋشى دەنيس تەننىڭ اتى بەرىلەتىن بولدى، دەپ حابارلايدى “ادىرنا” ۇلتتىق پورتالى.
دەرەكتەرگە سۇيەنسەك دەنيس تەننىڭ ەسىمى بوستاندىق اۋدانىنداعى ۇزىندىعى 800 مەتر بولاتىن 7-ءشى كوشەگە بەرىلەدى.
كەشە الماتى قالاسى ءماسليحاتىنىڭ XXXIV سەسسياسى ءوتىپ، الماتىداعى 156 اتاۋسىز كوشەگە اتاۋ بەرۋ تۋرالى شەشىم قابىلداندى.
ونىڭ ىشىندە 22 كوشە ۇلى وتان سوعىسى ارداگەرلەرىنىڭ ەسىمىمەن، 15 كوشە تاريحي تۇلعالاردىڭ قۇرمەتىنە بەرىلەدى.
جاڭا اتاۋلاردى يەلەنەتىن كوشەلەرگە قازاقستان تاريحى مەن مادەنيەتىندە ەرەكشە ورىن العان تۇلعالاردىڭ ەسىمدەرى بەرىلمەك:
اكادەميك ءابدۋالي قايدار،
ارحەولوگ كارل بايپاقوۆ،
تاريحشى سايىم بالمۇقانوۆ،
اۋىر اتلەتيكادان الەم چەمپيونى اناتولي حراپاتىي،
وليمپيادا چەمپيونى، مانەرلەپ سىرعاناۋشى دەنيس تەن،
حالىق جازۋشىسى ءابدىجامىل نۇرپەيىسوۆ،
اقىن-جازۋشى مۇزافار الىمباەۆ،
ابايتانۋشى قايىم مۇحامەدحانوۆ،
قازاق مۋلتيپليكاتسياسىنىڭ نەگىزىن قالاۋشى امەن قايداروۆ،
كسرو حالىق ءارتيسى ناتاليا ساتس.
قالعان 118 كوشە تاريحي-مادەني جانە ءداستۇرلى اتاۋلارعا يە بولادى. بۇل ۇسىنىستار ءماسليحات كوميسسيالارىندا قارالىپ، قوعامدىق كەڭەسپەن كەلىسىلگەن جانە رەسپۋبليكالىق ونوماستيكالىق كوميسسيادان وڭ قورىتىندى العان.
