قازاقستاندىق ديدجەي يمانبەك زەيكەنوۆ (Imanbek) تاعى دا «گرەممي» جۇلدەسىنە ۇسىنىلدى. بۇل جولى Latin Grammy سىيلىعىندا باق سىنايدى، دەپ حابارلايدى "ادىرنا".
ونىڭ ارگەنتينالىق ءانشى Taichu-مەن بىرگە جازعان Ella Quiere Techno كومپوزيتسياسى «Best Latin Electronic Music Performance» («لاتىن ەلەكتروندى مۋزىكاسىنىڭ ۇزدىك ورىندالۋى») نوميناتسياسىنا ەندى.
بۇل ساناتتا يمaنبەك پەن Taichu-عا Orión [Sistek Remix]، Qqqq, Rulay En Dubai جانە Veneka ترەكتەرى باسەكەلەس بولادى.
جەڭىمپازدار 13 قاراشا كۇنى لاس-ۆەگاستا انىقتالادى. ال فينالدىق داۋىس بەرۋ 1 قازاندا باستالادى.
ەسكە سالا كەتەيىك، يمانبەك 2021 جىلى امەريكالىق ءانشى Saint Jhn-نىڭ Roses انىنە جاساعان رەميكسى ارقىلى «گرەممي» الىپ، تاريحقا ەندى. وسى جەتىستىگىمەن قازاقستان مەن تمد-دان شىققان العاشقى جەڭىمپاز رەتىندە تانىلدى.
