پارلامەنت وتىرىسىندا اناسىن تۋعان كۇنىمەن قۇتتىقتاعان ءماجىلىس دەپۋتاتى ارداق نازاروۆ ءوزىن سىناعاندارعا جاۋاپ بەردى، دەپ حابارلايدى «ادىرنا» ءتىلشىسى.
ول جۋرناليستەرگە بەرگەن جاۋابىندا بۇل ارەكەتىنىڭ استارى بار ەكەنىن جەتكىزدى.
«مەن اناسىن قۇرمەتتەمەي جۇرگەندەرگە ۇلگى بولسىن دەپ ايتتىم. جالپى حالىق قارسى ەمەس، تەك كەيبىر ادامداردىڭ نيەتى بولەك. اناسىن سىيلاي المايتىندار قارسى، ال اتا-اناسىن ارداقتايتىندار قولدايدى. سوندىقتان ءوز باعىتىمنان قايتپايمىن. دەمالىس كۇندەرى اناما بارىپ، سىيلىق بەرىپ، قۋانتىپ قايتتىم. بۇل – مەنىڭ ۇل رەتىندەگى پارىزىم»،– دەدى نازاروۆ.
سونداي-اق دەپۋتات ەشقانداي رەگلامەنتتى بۇزباعانىن اتاپ ءوتتى.
«ەشكىم مەنى پارلامەنتتە قارالاعان جوق. باسشىلىق تا، ارىپتەستەرىم دە مەنى قولداپ وتىر. قازاقستاندا اناسىن قورلاپ، اكەسىن ۇرىپ جاتقان جاعدايلار بار. مەنىڭ ءسوزىم سوعان ونەگە بولسىن دەگەن ماقساتتا ايتىلدى»،– دەدى ول.
