«قايرات» فۋتبول كلۋبىنىڭ قاقپاشىسى تەمىرلان اناربەكوۆ ماتچ كەزىندە جاراقات الدى. ول «اقتوبە» ويىنشىسى جايرو جانمەن سوقتىعىسىپ، جاق سۇيەگىن سىندىرىپ الدى، دەپ حابارلايدى “ادىرنا” ۇلتتىق پورتالى قازاقپاراتقا سىلتەپ.
اقتوبەدە ءوتىپ جاتقان ماتچتا الماتىلىق كلۋبتىڭ قاقپاسىندا 18 جاستاعى شەرحان قالمۇرزا تۇر.
«قايرات» كلۋبى ازىرگە ءوز الاڭىندا 1:0 ەسەبىمەن قارسىلاس كوماندانى جەڭىپ جاتىر. كەزدەسۋدەگى ءبىرىنشى گولدى داستان ساتپاەۆ سوقتى.
ايتا كەتەيىك، «قايرات» 18 قىركۇيەك كۇنى چل اياسىندا «سپورتينگپەن» كەزدەسەدى.
ەسكە سالايىق، قازاقستاندىق «قايرات» فۋتبول كومانداسى چەمپيوندار ليگاسىنىڭ سوڭعى ىرىكتەۋ ماتچىنىڭ پلەي-وفف كەزەڭىندە شوتلانديالىق «سەلتيكتى» جەڭگەن ەدى. سول ويىندا «سەلتيك» ويىنشىلارىنىڭ العاشقى ەكى سوققىسىن قازاقستان قۇراماسىنىڭ قاقپاشىسى تەمىرلان اناربەكوۆ قايتارعان ەدى.
