فوتو: Olympic.kz
بوكستان قازاقستان ەرلەر قۇراماسىنىڭ وكىلى سانجار تاشكەنباي مەن ماحمۇد سابىرحان ليۆەرپۋلدە (ۇلىبريتانيا) ءوتىپ جاتقان الەم بىرىنشىلىگىنىڭ فينالىنا ءوتتى، دەپ حابارلايدى “ادىرنا”.
سانجار تاشكەنباي 50 كەلىگە دەيىنگى سالماقتىڭ 1/2 فينالىندا كۋبالىق الەحاندرو كلارو فيزبەن ءوزارا مىقتىنى انىقتادى.
جەكپە-جەك قورىتىندىسى بويىنشا سانجار تاشكەنباي تورەشىلەردىڭ شەشىمىمەن جەڭىسكە جەتتى.
وسىلايشا، سانجار تاشكەنباي (50 كەلىگە دەيىن) الەم چەمپيوناتىنىڭ التىن مەدالى ءۇشىن كۇرەسەدى.
ال ماحمۇد سابىرحان 55 كەلىگە دەيىنگى سالماقتىڭ جارتىلاي فينالىندا ليۋ چۋانمەن (قىتاي) قولعاپ ءتۇيىستىردى.
ماحمۇد العاشقى راۋندتان-اق اۋىر سوققىلارمەن قارسىلاسىن ەسەڭگىرەتىپ تاستادى. ەكىنشى جانە ءۇشىنشى كەزەڭدە دە كەرەمەت بوكس ۇلگىسىن كورسەتكەن وتانداسىمىز تورەشىلەردىڭ شەشىمىمەن جەڭىسكە جەتتى.
ەندى ماحمۇد سابىرحان (55 كەلىگە دەيىن) الەم چەمپيوناتىنىڭ التىن مەدالى ءۇشىن سىنعا تۇسەدى.
