الاپات ورتتەن ءۇش ادامدى قۇتقارىپ، ءوزى كوز جۇمعان ءورت ءسوندىرۋشى اسقار زابيكۋليننىڭ قىزى 1-سىنىپقا باردى. بۇل تۋرالى مارقۇمنىڭ جارى انەل زابيكۋلينا ايتتى، دەپ حابارلايدى «ادىرنا» ءتىلشىسى.
«بۇگىن — ءبىزدىڭ وتباسىمىز ءۇشىن ماڭىزدى كۇن. مەنىڭ كىشكەنتاي حانشايىمىم العاش رەت مەكتەپ تابالدىرىعىن اتتاپ، ءبىرىنشى سىنىپ وقۋشىسى اتاندى. بۇل – ونىڭ ۇلكەن ومىرلىك جولىنىڭ باستاماسى، بىلىمگە، ارمانعا جانە بولاشاق جەڭىستەرگە جاسالعان العاشقى قادامى»، – دەپ جازدى انەل Instagram-دا.
ول جانىندا جارىنىڭ جوقتىعى جۇرەگىن اۋىرتاتىنىن جاسىرمادى.
«اكەسى ارقاشان قىزىمەن ماقتاناتىنىنا سەنىمدىمىن. ونىڭ جىلۋى مەن قامقورلىعى ءاردايىم جولىن اشىق ەتەدى»،— دەدى مارقۇمنىڭ جارى.
انەل قايعىلى جاعدايدان كەيىن وتباسىنا قولداۋ كورسەتكەن جاندارعا العىسىن جەتكىزدى.
«سىزدەردىڭ ارقالارىڭىزدا العا باسۋعا، باسىمىزدى كوتەرۋگە جانە الدا تەك جاقسىلىقتار بولادى دەپ ۇمىتتەنۋگە كۇش بار»،—دەپ قوستى ول.
