جەتىباي – شەتپە تاس جولىنىڭ 96 شاقىرىمىندا ۋاز بەن Toyota Prado كولىكتەرى سوقتىعىستى. سالدارىنان جۇرگىزۋشى قازا تاپتى، دەپ حابارلايدى “ادىرنا” ۇلتتىق پورتالى.
ماڭعىستاۋ وبلىسى پوليتسيا دەپارتامەنتىنىڭ ءباسپاسوز قىزمەتى حابارلاعانداي، شەتپە اۋىلىنا قاراي بەت العان ۋاز ماركالى كولىكتىڭ جۇرگىزۋشىسى جولدىڭ قارسى بەتىنە شىعىپ كەتىپ، Toyota Prado ماركالى كولىگىمەن سوقتىعىسقان، سالدارىنان ەكى كولىك تە وتقا ورانعان.
"جول اپاتى سالدارىنان وقيعا ورنىندا ۋاز كولىگىنىڭ جۇرگىزۋشىسى قازا تاپتى، تاعى بەس ادام زارداپ شەكتى. ولاردىڭ بارلىعى وبلىستىق اۋرۋحاناعا جەتكىزىلدى", - دەلىنگەن حابارلامادا.
اتالعان فاكتى قر قىلمىستىق كودەكسىنىڭ 345-بابىنىڭ 3-بولىگى بويىنشا ماڭعىستاۋ اۋداندىق پوليتسيا ءبولىمىنىڭ سدتبت-دە تىركەلدى.
”ادىرنا” ۇلتتىق پورتالى
